مينيسترلىك, ماڭعىستاۋ وبلىسى اكىمدىگى, «قازمۇنايگاز» ۇك» اق, «ماڭعىستاۋمۇنايگاز» اق, «سي بۋ» ينجەنەرلى بۇرعىلاۋ كومپانياسى» جشس (اقتاۋ), اۆاريالىق-قۇتقارۋ قىزمەتتەرىن كورسەتۋشى «كاسىبي اۆاريالىق-قۇتقارۋ قىزمەتتىنىڭ رەسپۋبليكالىق ورتالىق شتابى» جشس «اق-بەرەن» ماڭعىستاۋ فيليالى, سونداي-اق «باتىسقازجەرقويناۋى» وڭىرارالىق دەپارتامەنتىنىڭ ماڭعىستاۋ وبلىستىق يسپەكتسياسىنىڭ گەوفيزيكالىق جانە جوبالىق ۇيىمدار كوميسسيا وكىلدەرى بىرلەسە وتىرىپ «سي بۋ» ينجەنەرلى بۇرعىلاۋ كومپانياسى» جشس بۇرعىلاۋ كومپانياسى ۇسىنعان جوبالىق جانە ورىنداۋشى قۇجاتتارعا, سونداي-اق گريفوندى گاز-سۋ كورىنۋلەرى سەبەپتەرىنە ناقتى تالداۋلار جۇرگىزگەن.
ۇسىنىلعان ماتەريالداردى قاراستىرا كەلگەندە, «سي بۋ» ينجەنەرلى بۇرعىلاۋ كومپانياسى» جشس ۇڭعىمانى بۇرعىلاۋ كەزىندە ونەركاسىپتىك قاۋىپسىزدىك تالاپتارىن بۇزعاندىعى, بۇل ءوز كەزەگىندە گاز-سۋ كورىنۋلەرىنە الىپ كەلگەنى انىقتالعان.
مەردىگەر ۇيىم «سي بۋ» ينجەنەرلى بۇرعىلاۋ كومپانياسى» جشس-ءنىڭ ۇڭعىمانى سالۋعا ارنالعان تەحنيكالىق جوبانى جانە مۇناي مەن گاز ۇڭعىمالارىن بەكىتۋ ءجونىندەگى ادىستەمەلىك نۇسقاۋلاردىڭ تالاپتارىن بۇزا وتىرىپ, تسەمەنتتىڭ قاتايۋىن كۇتۋدىڭ بەلگىلەنگەن ۋاقىتىن كۇتپەستەن, ۇڭعىمانىڭ ساعاسى ۋاقىتىنان بۇرىن گەرمەتيزاتسيالانعان ەكەن.
بۇعان قوسا, اتقىلاماعا قارسى جابدىقتى (اقج) پايدالانۋعا قاتىستى ونەركاسىپتىك قاۋىپسىزدىك سالاسىنداعى نورماتيۆتىك-قۇقىقتىق اكت تالاپتارى ساقتالماعان.
– «سي بۋ» ينجەنەرلىك بۇرعىلاۋ كومپانياسى» تاراپىنان وسى ۇڭعىمانىڭ قۇرىلىسىن قاۋىپسىز ءجۇرگىزۋگە قاجەت بولعان وندىرىستىك باقىلاۋ قامتاماسىز ەتىلمەگەن, سونداي-اق كومپانيا قىزمەتكەرلەرىنىڭ ونەركاسىپتىك قاۋىپسىزدىك سالاسىنداعى ءبىلىم دارەجەسى سايكەس كەلمەيدى, – دەيدى نىعمەتجان ماقاجانوۆ.
تەرگەپ-تەكسەرۋ ماتەريالدارى قۇقىق قورعاۋ ورگاندارىنا بەرىلگەن. ەستەرىڭىزگە سالا كەتسەك, «قالامقاس» كەن ورنىنداعى ءورتتى جەدەل سوندىرۋگە مەملەكەت باسشىسى قاسىم-جومارت توقاەۆ پارمەن بەرىپ, ماسەلەنى ءوز باقىلاۋىنا العان بولاتىن.
