ايماقتار • 03 مامىر، 2019

بالقاشتىڭ بويىنداعى بالامالى ەنەرگيا

786 رەت كورسەتىلدى

قازىرگى تاڭدا قاراعاندى وبلىسى بالامالى ەنەرگەتيكانى دامىتۋ بويىنشا ەلىمىزدە كوش باستاپ كەلەدى. ناقتىراق ايتار بولساق، قازاقستاندا وندىرىلەتىن جاڭعىرمالى ەنەرگيا كوزدەرى­نىڭ جارتىسىنا جۋىعى قاراعاندى ءوڭىرىنىڭ ەنشىسىنە تيەسىلى ەكەن.

 ەسكە سالساق، بيىل قاڭتار ايىندا وبلىستاعى ساران قالاسىندا قۋاتى 100 مۆت بولاتىن، ورتالىق ازياداعى ەڭ ءىرى كۇن ەلەكتر ستانساسى ىسكە قوسىلعان بولاتىن. ال بۇل كەس، مامانداردىڭ ايتۋىنشا، 40 مىڭنان استام تۇرعىنى بار ساران سياقتى 10 قالانى ەلەكتر قۋاتىمەن قامتاماسىز ەتە الادى.

ەندى مىنە، وبلىستا ەكىنشى كۇن ەلەكتر ستانساسى سالىنىپ، پاي­د­الانۋعا بەرىلدى. جاڭا نىسان بالقاش قالاسىنان 60 شاقى­رىمداي جەردەگى گۇلشات ەلدى مەكەنىنىڭ جانىنان بوي كوتەردى. جاڭا ستانسانىڭ ءبىر جىلعا جەتەر-جەتپەس ۋاقىت ءىشىن­دە سالىنىپ بىتكەنىن ايتۋ كەرەك. قۇرىلىس جۇمىستارىنا 300-گە جۋىق ادام جۇمىلدىرىلعان. نىسان ورىن تەپكەن 104 گەكتار اۋماققا 120 مىڭنان استام كۇن پانەلى ورنالاستىرىلدى. ما­مان­داردىڭ ەسەبىنە سۇيەنسەك، قۋا­تى 40 مۆت بولاتىن كۇن ەلەكتر ستانساسى 70 مىڭنان اس­تام تۇر­عىنى بار بالقاش سياق­تى بەس قا­لانى ەلەكتر ەنەرگياسىمەن تولىق­تاي قامتاماسىز ەتە الادى ەكەن.

ايتا كەتەرلىك جايت، گۇلشات كۇن ەلەكتر ستانساسى تولىق­تاي شەتەل ينۆەستورلارىنىڭ قارا­جاتىنا سالىندى. قۇرىلىس جۇمىستارىنا جانە قاجەتتى قۇرال-جابدىقتار الۋعا 46 ميلليون اقش دوللارى كولەمىندە قارجى جۇمسالعان. بۇگىندە گۇلشات كەس-ىندە 20 ادام جۇ­مىس­پەن قامتىلعان.

جىل سايىن 58 ملن كۆ/ساع-تان استام ەلەكتر ەنەرگياسىن وندىرەتىن جاڭا نىساندى ىسكە قوسۋ سالتاناتىنا وبلىس اكىمى ەرلان قوشانوۆ پەن ەنەرگەتيكا ۆيتسە-ءمينيسترى سۇڭعات ەسىمحانوۆ جانە ەۋروپالىق قايتا قۇرۋ جانە دامۋ بانكىنىڭ وكىلدەرى، قازاقستاندىق كۇن ەنەرگەتيكاسى قاۋىمداستىعىنىڭ وكىلدەرى، ارداگەرلەر، بالقاش قالاسىنىڭ قۇرمەتتى ازاماتتارى، «جاسىل ەكونوميكا» بايقاۋىنىڭ جەڭىم­پازدارى قاتىستى.

ەلىمىزدىڭ تۇڭعىش پرەزيدەنتى ن.نازارباەۆ قازاقستانداعى ەنەرگەتيكا سالاسىندا بالامالى ەنەرگيانىڭ ۇلەسىن 30 پايىزعا جەتكىزۋ تۋرالى تاپسىرما بەرگەن بولاتىن. گۇلشاتتا بوي كوتەرىپ، ىسكە قوسىلعان كۇن ەلەكتر ستانساسى وسى مەجەنى باعىندىرۋعا بەت العان باتىل قادام. بۇدان بولەك، قاراعاندى وبلىسىنداعى شەت اۋدانىندا سالىنىپ جاتقان تاعى ءبىر كۇن ەلەكتر ستانساسى ماۋسىم ايىندا ىسكە قوسىلۋى كەرەك. بۇل دەگەنىڭىز، قاراعاندى ءوڭىرىنىڭ بالامالى ەلەكتر ەنەرگياسىن ءوندىرۋ ىسىندە تاسى ورگە دومالاپ-اق تۇر دەگەن ءسوز.

 

قاراعاندى وبلىسى


سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

ۇقساس جاڭالىقتار