ايتا كەتەيىك, ج.دوسمۇxامەد ۇلى كوشەسى, 4 مەكەن-جايى بويىنشا ورنالاسقان جاتاقحانادا ءورت شىققان بولاتىن.
تج دەپارتامەنتىنىڭ مالىمەتى بويىنشا, جالىن 5 قاباتتى جاتاقحانانىڭ 2-ءشى قاباتىنداعى 18 شارشى مەتر بولمەنى شارپىعان. ورتكە قارسى قىزمەت بريگاداسى ساعات 10:39-دا شاقىرتۋ ورنىنا جەتتى.
ءورت 11:15-تە اۋىزدىقتالدى. سونداي-اق, ءتىلسىز جاۋدان 26 ادام زارداپ شەگىپ, ونىڭ 14-ءى بالا ەكەنى بەلگىلى بولدى (بارلىعى گازدان ۋلانىپ, اۋرۋحاناعا جاتقىزىلدى). سونىمەن قاتار, اۋرۋحاناعا ۋلانۋ بەلگىلەرى بار 12 ەرەسەك ادام جەتكىزىلدى. ولاردىڭ تورتەۋى مەديتسينالىق كومەكتەن باس تارتتى.
«زارداپ شەككەندەردىڭ دياگنوزى – گازدان ۋلانۋ. قازىر ولاردىڭ جاعدايى ورتاشا دەپ باعالانۋدا», دەپ مالىمدەدى اكىمدىكتە.
توتەنشە جاعداي ورنىنا قالا اكىمى باقىت سۇلتانوۆ كەلىپ, جاتاقحانانىڭ تۇرعىندارىمەن كەزدەستى. ءتيىستى ورگاندارعا زارداپ شەككەندەرگە جان-جاقتى كومەك كورسەتىپ, توتەنشە جاعدايدى تەرگەۋ جونىندە كوميسسيا قۇرۋعا تاپسىرما بەردى.
ءورتتى سوندىرۋگە 14 جەدەل مەديتسينالىق كومەك بريگاداسى, تجد ەكى بريگاداسى جۇمىلدىرىلدى.
