قىزمەت الۋشى حالىقتان قىزمەت كورسەتۋ ساپاسىنا قاتىستى وي-پىكىرلەرى تىڭدالدى.
تانىسۋ ناتيجەسىمەن, جالپى حقكو-نا ونىڭ ىشىندە ەلەكتروندى قىزمەتتەر ورتالىعىنىڭ قىزمەتىنە دەپارتامەنت باسشىسىنىڭ دا قىزمەت الۋشىلاردىڭ تاراپىنان دا وڭ باعا بەرىلدى.
سەبەبى, ەلەكتروندى قىزمەتتەر ورتالىعىندا قىزمەت كورسەتۋ جاڭا فورماتقا كوشىرىلگەن, تەحنيكالار مەن جيحازدارى جاڭارتىلعان, ءبىر سوزبەن ايتقاندا قازىرگى ۋاقىتتا كومفورتتى قىزمەت الۋ ءۇشىن بارلىق تۇرمىستىق جاعدايلار جاسالعان.
دەگەنمەن, دەپارتامەنت باسشىسى تاراپىنان حقكو باسشىلىعىنا سىن-ەسكەرتپەلەر مەن ۇسىنىستار دا اتالدى.
اتاپ ايتقاندا, حقكو عيماراتى جۋىردا جوندەۋ جۇمىستارى جۇرگىزىلگەننەن كەيىن, بۇرىن دەپارتامەنتپەن جولدانىپ ورنالاسقان كورنەكتى جەرلەردەگى «تسيفرلىق اگەنت» ءموبيلدى قوسىمشاسى, قىزمەت كورسەتۋ ساپاسىن شاعىمدانۋ قۇقىقتارى مەن دەپارتامەنتتىڭ مەكەن-ءجايى تۋرالى مالىمەتتەر, سىبايلاس جەمقورلىققا قارسى ۇگىت-ناسيحات ماتەريالدارى الىنىپ, قايتا جاڭعىرتىلماعاندى بويىنشا ەسكەرتىلدى.
سونىمەن قاتار ورتالىقتا ءوز قىزمەتتەرىن جۇزەگە اسىرىپ وتىرعان «نۇر لتد» جشس وكىلدەرىنىڭ تولىق اشىقتىقتى قامتاماسىز ەتۋلەرىن ونىڭ ىشىندە, كاسسالىق اپپاراتتارىن ۇنەمى تۇردە پايدالانۋىن قاداعالاۋدى ۇسىندى.
بۇدان باسقا, كەزەكتىلىكتىڭ كوپ شوعىرلانۋىن بولدىرماۋ ماقساتىندا, انىقتاما الۋ تەرمينالدارىن تولىقتاي ىسكە قوسىپ, نۇسقاۋشى وپەراتورلاردىڭ سانىن كوبەيتۋ جونىندە دە ۇسىنىستار بەرىلدى.
سونداي-اق, قىزمەت الۋشىلاردىڭ ۆيدەو شاعىمدارىنا ارنالعان ارنايى ورىن بويىنشا ناسيحات جۇمىستارىن كۇشەيتۋدى ۇسىندى.
«ازاماتتارعا ارنالعان ۇكىمەت» مەملەكەتتىك كورپوراتسيانىڭ كەاق ماڭعىستاۋ وبلىسى بويىنشا فيليالىنىڭ ديرەكتورى ە. بايجىگىت ۇسىنىستار مەن ەسكەرتپەلەردى قاتاڭ باقىلاۋعا الىپ, ءتيىستى قىزمەتكەرلەرگە تاپسىرمالاردى جۇكتەيتىندىگىن جەتكىزدى.
