ايماقتار • 02 مامىر، 2019

اقتوبە وبلىسىنىڭ اكىمى وڭداسىن ورازالين تاريحشىلارمەن كەزدەستى

933 رەت كورسەتىلدى

وبلىس اكىمى وڭداسىن ورازالين ءبىر توپ تاريحشىلاردى قابىلدادى. باسقوسۋعا اقتوبە، نۇر-سۇلتان، الماتى قالالارىنان كەلگەن تاريح عىلىمدارىنىڭ دوكتورى، پروفەسسورلار قاتىستى. بۇل تۋرالى اقتوبە وبلىسى اكىمىنىڭ ءباسپاسوز قىزمەتى حابارلادى.

كەزدەسۋ بارىسىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.نازارباەۆتىڭ  «مادەني مۇرا» ۇلتتىق ستراتەگيالىق باعدارلاماسى جانە «بولاشاققا باعدار: رۋحاني جاڭعىرۋ»، « ۇلى دالانىڭ جەتى قىرى» اتتى ماقالاسى اياسىندا  اقتوبە  وڭىرىندەگى  تاريحي-مادەني ەسكەرتكىشتەرگە  رەستاۆراتسيا جاساۋ، جىر-داستاندار جيناعىن شىعارۋ، ەسكەرتكىشتەرگە زەرتتەۋ جۇمىستارىن جۇرگىزۋ  سىندى  ماسەلەلەر قارالدى. 

وبلىس باسشىسى اتالعان شارۋالارعا قاتىستى  تاريحشىلاردىڭ  بىرقاتار ۇسىنىس-پىكىرلەرىن تىڭدادى. ماسەلەن، قازاق ۇلتتىق ونەر ۋنيۆەرسيتەتىنىڭ پروفەسسورى، بەلگىلى ونەرتانۋشى جىراۋ الماسبەك الماتوۆ  ەدىگە جىراۋدى فولكلورلىق مۋزىكا  رەتىندە تاسپاعا باسىپ شىعارۋ قاجەتتىگىن ۇسىنسا، ءا.مارعۇلان اتىنداعى ارحەولوگيا ينستيتۋتىنان كەلگەن عالىمدار ارحەولوگيالىق قازبالارعا  قاتىستى ۇسىنىستارىن ءبىلدىردى.                                                                              

قازىر ەلىمىز بويىنشا وزەكتى بولعان ماسەلەنىڭ ءبىرى،  جەكە مەنشىككە  وتكەن  جەردىڭ يەلەرى عيمارات سالماستان بۇرىن   ارحەولوگيالىق زەرتتەۋ جۇرگىزبەيدى. بۇل جەر استىنان شىققان  جادىگەرلەردىڭ  قۇرتىلۋىنا  الىپ كەلۋى  مۇمكىن.    

«تاريحقا  قاتىستى  ءاربىر زەرتتەۋ جۇمىستارى ۇقىپتىلىقتى، جان-جاقتى پىسىقتالۋدى قاجەت ەتەتىن دۇنيە.ءبىز ءاربىر باستاماعا كەشەندى، جۇيەلى  تۇردە  كىرىسۋىمىز قاجەت.كونەنى زەرتتەۋ ونى كەلەشەك ۇرپاققا تابىستاۋ ءبىزدىڭ مىندەتىمىز. رۋحاني جاڭعىرۋ بولماي، ەكونوميكالىق دامۋ بولمايدى»، دەدى  وڭداسىن ورازالين. 

وبلىس باسشىسى  كەيبىر ۇسىنىستارعا قاتىستى  ورىنباسارىنا تاپسىرما بەرىپ، بىرنەشە ماسەلەلەر بويىنشا جۇمىستار جاسالۋ قاجەتتىگىن ايتتى.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار