الما باعىن وتىرعىزۋ راسىمىنە ەلوردا اكىمى باقىت سۇلتانوۆ, قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ, ەتنومادەني بىرلەستىكتەردىڭ وكىلدەرى مەن ەلوردالىق جوو ستۋدەنتتەرى قاتىستى. بارلىعى الما كوشەتتەرىن وتىرعىزۋعا 400-دەن استام ادام اتسالىستى.
ۇكىمەت باسشىسى اسقار مامين باقتىڭ اۋماعىندا وتىرعىزىلعان الما اعاشىنىڭ سورتتارىمەن تانىستى.
ەستەرىڭىزگە سالا كەتەيىك, اتىراۋلىق فەرمەر تاميلا روزمەتوۆا جاستار جىلىنىڭ سالتاناتتى اشىلۋ ءراسىمى بارىسىندا ەلوردادا الما باعىن وتىرعىزۋدى ۇسىنعان ەدى.
ەلباسىنىڭ تاپسىرماسى بويىنشا نۇر-سۇلتان قالاسىنىڭ اكىمدىگى الما كوشەتتەرىن وتىرعىزۋ ءۇشىن جەر ۋچاسكەسىن جەدەل تۇردە ازىرلەدى. ءوز كەزەگىندە ت.روزمەتوۆا ەلورداعا كوشەتتەر جەتكىزۋدى ۇيىمداستىرىپ, جاڭا الما سورتىن «Nur-Sultan» دەپ اتاۋدى ۇسىندى.
قالالىق اكىمدىكتىڭ مالىمەتى بويىنشا, مۇندا الما اعاشىنىڭ بەلگىلى سورتتارى – بەلورۋسسيالىق سيناپ, بەلورۋسسيالىق تاڭقۋراي, الەسيا, يمانت, فريدوم, نادزەين, ساكاۆيتا جانە «Nur-Sultan» جاڭا سورتى بار. ولار ايازعا ءتوزىمدى ءارى ۇزاق ساقتاۋعا بولادى.
بارلىعى 1 گا القاپقا بيىكتىگى 1,2-1,5 مەتر 800 الما اعاشتارى وتىرعىزىلدى.
الما باعى العاشقى جەمىستەرىن 2-3 جىلدان كەيىن بەرەدى دەپ كۇتىلۋدە.
اعاشتارعا كۇتىم جاساۋ ءۇشىن تامشىلاتىپ سۋارۋدىڭ زاماناۋي جۇيەلەرى پايدالانىلاتىن
بولادى. ايتا كەتەيىك, الما باعىن وتىرعىزۋ قازاقستان حالقىنىڭ بىرلىگى كۇنىن
مەرەكەلەۋ اياسىندا ءوتتى.
