قازاقستان حالقىنىڭ بىرلىگى كۇنى ەلوردادا «نۇرلى جەر» تۇرعىن ءۇي قۇرىلىسى باعدارلاماسىن ىسكە اسىرۋ شەڭبەرىندە «تۇرعىن ءۇي قۇرىلىس جيناقتارى جۇيەسى ارقىلى نەسيەلىك تۇرعىن ءۇي سالۋ», «ساتىپ الۋسىز جالعا بەرىلەتىن تۇرعىن ءۇي» باعىتتارى اياسىندا نۇر-سۇلتان قالاسى اكىمدىگىنىڭ تاپسىرىسىمەن ا 98 ك-ءسى جانە ە 496 ك-ءسى مەكەنجايلارى بويىنشا جاڭا كوپقاباتتى تۇرعىن ءۇي كەشەندەرى (متج) سالىندى.
ە 496 كوشەسىندەگى تۇرعىن ءۇي كەشەنى 364 پاتەردى قامتيدى, ولاردىڭ 182-ءسى كەزەكتە تۇرعاندار اراسىندا بولىنگەن, ولاردىڭ ىشىندە حالىقتىڭ الەۋمەتتىك جاعىنان وسال توپتارىنىڭ وكىلدەرى, سونىڭ ىشىندە كوپبالالى انالار, مەملەكەتتىك قىزمەتكەرلەر مەن بيۋدجەتتىك ۇيىمداردىڭ قىزمەتكەرلەرى بار. تازا ارلەنگەن تۇرعىن ءۇيدىڭ 1 شارشى مەترى نارىقتىق باعادان الدەقايدا تومەن جانە 180 مىڭ تەڭگەنى قۇرايدى. مەردىگەر -«ەدەم» جشس.
ا 98 كوشەسىندەگى تۇرعىن ءۇي كەشەنىندە بارلىعى 53 پاتەر بەرىلدى. ونىڭ ىشىندە كوپبالالى انالارعا 10 پاتەر ءبولىندى. بۇل جالدامالى تۇرعىن ءۇي نۇر-سۇلتان اكىمدىگىنىڭ كەزەگىندە تۇرعان حالىقتىڭ الەۋمەتتىك-وسال توپتارىنا ساتىپ الۋ قۇقىعىنسىز بەرىلەدى. باس مەردىگەر - «كازسترويپودرياد» جشس. «بۇگىن - كەزەكتە تۇرعان ەلوردالىقتار ءۇشىن ۇلكەن قۋانىش.
«نۇرلى جەر» تۇرعىن ءۇي قۇرىلىسى باعدارلاماسىن جۇزەگە اسىرۋ ارقاسىندا 417 وتباسى باسپانالى بولدى. بارشاڭىزدى كوپتەن كۇتكەن جانە ايتۋلى وقيعامەن قۇتتىقتايمىن. سىزدەردىڭ ۇيلەرىڭىزدە ارقاشان بەيبىتشىلىك, كەلىسىم جانە اماندىق ۇستەمدىك ەتسىن!», - دەدى ب.سۇلتانوۆ.
سالتاناتتى راسىمنەن كەيىن باقىت سۇلتانوۆ جاڭا تك اۋلاسىنا اعاش وتىرعىزدى.
قازىرگى ۋاقىتتا ەلباسىنىڭ بەس الەۋمەتتىك باستاماسى اياسىندا قۇرىلىس قارقىنى مەن قوسىمشا تەتىكتەر ەسەبىنەن تۇرعىن ءۇي سالاسىنداعى جاعداي ايتارلىقتاي جاقسارۋدا.
اعىمداعى جىلى نۇر-سۇلتان قالاسىندا جالپى اۋدانى 141,8 مىڭ شارشى مەتر 1,9 مىڭ پاتەردەن استام جەتى مجك پايدالانۋعا بەرۋ جوسپارلانعان. بۇل رەتتە دەموگرافيالىق پروتسەستەر مەن كوشى-قون اعىندارىن ەسكەرە وتىرىپ, تۇرعىن ۇيگە مۇقتاج ازاماتتاردىڭ سانى ۇلعايۋدا.
بۇگىنگى تاڭدا ەلوردادا 45 748 ادام باسپانا كەزەگىندە تۇر.
