كەلىسسوز بارىسىندا م.پەيچينوۆيچ-بۋريچ قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ قازاق مەملەكەتتىلىگىن قۇرۋداعى, اۋقىمدى رەفورمالاردى ءساتتى جۇزەگە اسىرۋداعى جانە قازاقستاننىڭ حالىقارالىق بەدەلىن نىعايتۋداعى ەرەكشە ءرولىن اتاپ ءوتتى. تاراپتار قازاقستاندا الداعى پرەزيدەنتتىك سايلاۋ حالىقارالىق دەموكراتيالىق ستاندارتتارعا سايكەس وتەتىنىنە سەنىم ءبىلدىردى.
كەلىسىمنىڭ قۇقىقتىق بازاسىن نىعايتۋ, ۆەدومستۆوارالىق ىنتىماقتاستىقتى ارتتىرۋ, ىسكەرلىك جانە مادەني-گۋمانيتارلىق بايلانىستاردى كەڭەيتۋ بويىنشا بىرلەسكەن بەلسەندى جۇمىستارعا ەرەكشە نازار اۋدارىلدى. سونىمەن قاتار ينۆەستيتسيا تارتۋ جانە ەكسپورتتى ىلگەرىلەتۋ سالاسىنداعى سىرتقى ىستەر مينيسترلىگىنىڭ ۇيلەستىرۋشى ءرولى اتاپ ءوتىلىپ, ساۋدا-ەكونوميكالىق ىنتىماقتاستىقتى كەڭەيتۋ تۋرالى ۋاعدالاستىققا قول جەتكىزىلدى.
2016 جىلدان باستاپ حورۆاتيامەن ەكىجاقتى ساۋدا 8 ەسەگە ءوسىپ, 2018 جىلدىڭ قورىتىندىسى بويىنشا ول 350 ملن اقش دوللارىن قۇرادى. قازاقستاندا قۇرىلىس, اقپاراتتىق تەحنولوگيالار, ازىق-ت ۇلىك ونەركاسىبى جانە ساۋدا سالالارىندا 20-دان استام حورۆات كومپانياسى جۇمىس ىستەيدى. ءىرى جوبالاردىڭ قاتارىندا نۇر-سۇلتانداعى «زاگرەب» تۇرعىن ءۇي كەشەنىنىڭ قۇرىلىسىن, دەنساۋلىق ساقتاۋ مينيسترلىگىنىڭ حورۆات «Ericsson Nikola Tesla» كومپانياسىمەن بىرلەسكەن دەنساۋلىق ساقتاۋدىڭ ينتەگراتسيالىق پلاتفورماسىن جانە ەلەكتروندىق دەنساۋلىق پاسپورتتار ەنگىزۋىن, «سۇلتان» جشس مەن «ينسترۋمەنتاريا» حورۆات كومپانياسىنىڭ پروتەزدىك-ورتوپەديالىق ءونىمدەردىڭ بىرلەسكەن ءوندىرىسىن اتاپ وتۋگە بولادى.
ءوز كەزەگىندە م.پەيچينوۆيچ-بۋريچ قازاقستاننىڭ 2017-2018 جىلدارداعى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قىزمەتىن, سونداي-اق حالىقارالىق قاۋىپسىزدىككە قوسقان ۇلەسىن, سونىڭ ىشىندە سيرياداعى قاقتىعىستى رەتتەۋ جونىندەگى استانا پروتسەسىن, يادرولىق قارۋسىز الەم يدەياسىن جۇزەگە اسىرۋدى جانە حالىقارالىق مادەنيەتتەر مەن دىندەر ديالوگىن دامىتۋداعى بەلسەندىلىكتەرىن جوعارى باعالايتىنىن جەتكىزدى.
قازاقستان استاناسىندا 70-ءشى بولىپ حورۆاتيا رەسپۋبليكاسىنىڭ ەلشىلىگى اشىلدى. ب.اتامقۇلوۆ حورۆاتيا ەلشىلىگىنىڭ اشىلۋىنا م.پەيچينوۆيچ-ءبۋريچتىڭ قاتىسۋى حورۆاتيانىڭ قازاقستانعا دەگەن جوعارى قۇرمەتىنىڭ بەلگىسى ەكەنىن اتاپ ءوتتى.
