قۇرمەتتى وتانداستار!
قازاقستان حالقى اسسامبلەياسى بارشا قازاقستاندىقتاردى قازاقستان حالقىنىڭ بىرلىگى كۇنىمەن شىن جۇرەكتەن قۇتتىقتايدى!
بۇل مەرەكە ەلىمىزدىڭ بارلىق ازاماتتارىن بىرىكتىرەتىن وراسان زور الەۋەت – دوستىق پەن ءوزارا تۇسىنىستىكتىڭ جارقىن مەرەكەسىنە اينالىپ وتىر.
تاتۋلىق پەن كەلىسىم قۇندىلىقتارى تۇڭعىش پرەزيدەنت – ەلباسى ن.ءا. نازارباەۆ ساياساتىنىڭ ءاردايىم اسا ماڭىزدى باسىمدىقتارى بولدى. سونىڭ ارقاسىندا قوعامىمىزدىڭ كوپەتنوستى بولۋى, مادەنيەتتەر مەن تىلدەردىڭ الۋان تۇرلىلىگى ءبىزدىڭ ارتىقشىلىعىمىز بەن جەتىستىگىمىزگە, قازاقستان دامۋىنىڭ بەرىك نەگىزىنە اينالدى.
ايتۋلى مەرەكەنى بىرلىكتىڭ, ءوز وتانىمىزدىڭ بولاشاعى ءۇشىن ورتاق جاۋاپكەرشىلىكتىڭ ەرەكشە اتموسفەراسىندا اتاپ وتۋدەمىز.
قازاقستان حالقى اسسامبلەياسىنىڭ XXVII سەسسياسى قازاقستاندىقتاردىڭ تابىستى دا قارقىندى داميتىن قازاقستاندى قۇرۋ ءۇشىن بەلگىلەنگەن بارلىق جوسپارلاردى ىسكە اسىرۋعا بىرگە ۇمتىلاتىنىن تاعى دا كورسەتىپ بەردى.
قىمباتتى دوستار!
ءبارىمىزدىڭ ورتاق مىندەتىمىز – تاۋەلسىز قازاقستاننىڭ ەڭ باستى جانە ايقىن جەتىستىكتەرىنىڭ ءبىرى – قوعامدىق كەلىسىم مەن جالپىۇلتتىق بىرلىكتى ساقتاۋ.
ءبىزدىڭ ىنتىماقتاستىعىمىز ودان ءارى بەكىپ, نىعايا بەرسىن, ال جۇرەكتەرىمىزدى ورتاق جەڭىستەرىمىز ءۇشىن ماقتانىش كەرنەسىن!
ۇلى دالانىڭ ءار ۇيىنە باقىت پەن بەرەكە, تاتۋلىق پەن تابىس تىلەيمىز!
قازاقستان حالقى اسسامبلەياسى
