تۇركى الەمى زەرتتەۋ ينستيتۋتىنىڭ پروفەسسورى مەتين ەكيندجي تۇركى الەمىنە قۇندى جازبانى قازاقستاننان تاپقانىن ايتادى. دەگەنمەن اقپارات قۇرالدارى پروفەسسور ونى قىرعىزستاندا تاپتى دەگەن قاتە حابار تاراتقان. بۇل جاڭالىق الەۋمەتتىك جەلىلەردە دە قىزۋ تالقىعا ءتۇستى. الايدا بۇعان قازاقستاندىق رەسمي قۇرىلىمدار ازىرگە جاۋاپ بەرمەدى.
زەرتتەۋشىنىڭ karar.com اگەنتتىگىنە بەرگەن سۇحباتىندا اتالعان جادىگەر 61 بەتتەن تۇراتىن قولجازبا ەكەنىن ايتىپ وتكەن. «تاياۋداعى قازاقستانعا جاساعان ساپارىمدا قازاقستاندىق زەرتتەۋشىلەر بىزگە جازبالاردى كورسەتكەن بولاتىن. زەرتتەي كەلە تابىلعان نۇسقانىن شامامەن XIV نەمەسە XVI عاسىرلارعا تيەسىلى ەكەنىن انىقتادىق. دالىرەك ايتقاندا, بۇل نۇسقانىڭ باستى ەرەكشەلىگى – بۇعان دەيىن درەزدەن مەن ۆاتيكاننان تابىلعان الدىڭعى ەكى جازبادان دا كونە بولۋىندا» دەيدى مەتين ەكيندجي.
پروفەسسور جاڭا نۇسقانىڭ ءبىلىم الەمىنە زور ۇلەس قوسىپ, قورقىت اتاعا قاتىستى زەرتتەۋلەردى تولىقتىراتىنىنا سەنەدى. داستاندى تۇگەلدەي لاتىن قارپىمەن كوشىرىپ, تۇرىك تىلىنە اۋدارىپ, كوپشىلىككە ۇسىنۋ جوسپارلانعان.
«قورقىت اتا» داستانى – تۇركى الەمىنە ورتاق, قۇندى جادىگەر. داستاننىڭ العاشقى ەكى نۇسقاسى 1815, 1952 جىلدارى گەرمانيانىڭ درەزدەن قالاسى مەن ۆاتيكاننان تابىلعان بولاتىن.
