فەستيۆالگە وبلىسىمىزداعى وقۋ ورىندارىنىڭ شىعارماشىلىق ۇجىمدارى قاتىستى. بۇل ءىس-شارا وبلىس اۋماعىندا ستۋدەنتتەر ءۇشىن داستۇرگە اينالىپ وتىر.
سونىمەن «ستۋدەنتتىك كوكتەم-2019» فەستيۆالى قالانىڭ ورتالىق الاڭىندا باستاۋ الدى. بۇل جەردە 6 جوعارعى وقۋ ورنى مەن 22 كوللەدج وزدەرىنىڭ ماماندىقتارى جانە ەرەكشە ۇسىنىستارىن ايتىپ, سىنعا ءتۇستى. مەكتەپ تۇلەكتەرى دە كەلىپ, قانداي ماماندىق الۋ تۋرالى اقپاراتتار الدى. جالپى بۇل كۇنى بۇل جەرگە 6 مىڭ مەكتەپ تۇلەگى كەلىپ قاتىستى جانە الەۋمەتتىك جەلى ارقىلى ونلاين داۋىس بەرۋمەن «جاستار تاڭداۋى» تاقىرىبىندا ۇزدىك جوعارعى وقۋ ورنى انىقتالىپ جاتتى.
- شىعىس قازاقستان وبلىسىندا بۇگىنگى كۇندە 265 مىڭ جاس بار, ولاردىڭ جاس ارالىعى 14-29 ارالىعىندا, دەدى وبلىستىق جاستار رەسۋرستىق ورتالىعىنىڭ ديرەكتورى ارايلىم ەسىمبەكوۆا. قالالاردا 166 مىڭ جاس تۇرسا, اۋىلدىق جەردە 99 مىڭ جاس بار, بۇل وبلىس تۇرعىندارىنىڭ 9 پايىزى. ال جاستاردىڭ 25 پايىزى ستۋدەنتتەر. ۋنيۆەرسيتەت پەن كوللەدجدەرىمىزدە 66 548 ستۋدەنت وقىپ جاتىر. ەلباسىنىڭ بەس الەۋمەتتىك باستاماسىنىڭ ءۇشىنشى باعىتىنداعى تاپسىرمالار بويىنشا سەمەيدە جوسپارلانعان 11 جاتاقحانانىڭ ەكەۋى پايدالانۋعا بەرىلدى. قالعان 9 جاتاقحانانى دا ىسكە قوسۋ ءۇشىن قۇجاتتارى دايىندالىپ جاتىر. «بىلىكتى مامان» جوباسى بويىنشا سوڭعى ەكى جىلدا شىعىس وڭىردە اسا قاجەتتى ماماندىقتار ءۇشىن وبلىس اكىمى دانيال احمەتوۆتىڭ گرانتتارى دا ارنايى ءبولىنىپ جاتىر. بۇل كۇندەرى گرانت يەگەرلەرى رەتىندە 646 جاس جاڭا ومىرگە جولداما الدى.
وسىعان وراي, سوڭعى ەكى جىلدا شقو-دان شەتەلگە كەتىپ وقيتىن تۇلەكتەر سانى ءۇش ەسەگە قىسقارىپ وتىر ەكەن. ەگەر 2016 جىلى 1600 بالا وبلىستان كەتىپ, شەتەلگە وقۋعا تۇسەمىن دەپ تاپسىرسا, 2018 جىلى 636 بالا عانا كەتكەن.
فەستيۆال اياسىندا «كاسىبي الاڭ», «جاستار تاڭداۋى» سياقتى كوپتەگەن تاماشا شىعارماشىلىق كەزەڭدەر, بولىمدەر جۇمىس ىستەدى.
جاستار جىلى اياسىنداعى ءVIى وبلىستىق ءداستۇرلى «ستۋدەنتتىك كوكتەم-2019» فەستيۆالى گالا-كونتسەرتپەن اياقتالدى. جيىنعا قالا اكىمى ەرماك ءسالىموۆ تە قاتىسىپ, جاستارعا اق جول تىلەدى. اتالعان بايقاۋعا وبلىس اۋماعىنداعى 20-عا جۋىق وقۋ ورىنداردىڭ شىعارماشىلىق ۇجىمدارى قاتىسىپ وتىردى. ۇزدىك ونەر كورسەتىپ, جەڭىمپاز اتانعان وقۋ ورىندارى نوميناتسيالار بويىنشا ماراپاتتالىپ, باعالى سىيلىقتارعا يە بولدى.
«ۇزدىك كاسىبي الاڭ» نوميناتسياسىنا شقو تەحنيكالىق جانە كاسىپتىك ءبىلىم ورتالىعىنان, ياعني كوللەدجدەر اراسىنان كولىك كوللەدجى يەلەنسە, بۇل نوميناتسيادا ۋنيۆەرسيتەتتەر اراسىندا شاكارىم اتىنداعى ۋنيۆەرسيتەت پەن قازيگزۋ-ءدىڭ باعى جاندى. ال «ۇزدىك شىعارماشىلىق باعدارلاما» نوميناتسياسىندا كوللەدجدەر اراسىندا م. اۋەزوۆ اتىنداعى پەداگوگيكالىق كوللەدج اتالسا, ۋنيۆەرسيتەتتەر اراسىندا س. امانجولوۆ اتىنداعى شقمۋ يەلەندى. «جاستار تاڭداۋىنا» ونلاين داۋىس بەرۋ ارقىلى د. سەرىكباەۆ اتىنداعى شقمتۋ يە بولدى. فەستيۆالدە كورەرمەندەر كوزايىمى دا تاڭدالدى. «ستۋدەنتتىك كوكتەمنىڭ سۇلتانى-2019» بولىپ مەديتسينا ۋنيۆەرسيتەتىنىڭ ستۋدەنتى ءاليحان قۇماروۆ اتاندى. «ستۋدەنتتىك كوكتەم ارۋى-2019» اتاعىن قازاق يننوۆاتسيالىق ۋنيۆەرسيتەتىنىڭ ستۋدەنتى ايدا ماحمەتجانوۆا جەڭىپ الدى. وبلىستىق ىشكى ساياسات باسقارماسىنىڭ باسشىسى يرينا سميت بارلىعىن جەڭىستەرىمەن قۇتتىقتاپ, ديپلومدار مەن باعالى سىيلىقتار,اقشالاي سەرتيفيكاتتار تابىس ەتتى.
راۋشان نۇعمانبەكوۆا
