«وڭتۇستىك قازاقستان مەديتسينا اكادەمياسىنىڭ ءوز قارجىسى ەسەبىنەن قولدانىستاعى وقۋ عيماراتىن 450 ورىندىق جاتاقحانا ەتىپ, قايتا قۇرۋ جۇمىستارى جۇرگىزىلۋدە. جاتاقحانا وسى جىلدىڭ قىركۇيەك ايىندا پايدالانۋعا بەرىلەدى. ەكىنشىدەن, اكىمدىك تاراپىنان شىمكەنت الەۋمەتتىك كاسىپتىك كورپوراتسياسى ارقىلى 5 مىڭ ورىندىق جاتاقحانا سالۋ جوسپارلانىپ وتىر», دەدى عابيدوللا ءابدىراحىموۆ.
مەگاپوليس باسشىسىنىڭ ايتۋىنشا, شىمكەنت-سيتي اۋدانىنان 2 گەكتار جەر ءبولىنىپ, 2,5 مىڭ ورىندىق 12 قاباتتى 8 جاتاقحانا سالىناتىن بولادى. سونىمەن قاتار, قالعان جاتاقحانا ورنىنىڭ تاپشىلىعىن جويۋ ءۇشىن تۇران شاعىن اۋدانىنان قوسىمشا 4 گەكتار جەر ءبولىندى.
«قازىرگى ۋاقىتتا جسق ازىرلەنىپ, جەكە ينۆەستورلارمەن كەلىسسوزدەر جۇرگىزىلۋدە. جالپى, وسى جىلى 1 810 ورىندىق بىرنەشە جاتاقحانا پايدالانۋعا بەرىلەدى. قالاداعى ستۋدەنت جاستاردى جاتاقحانا ماسەلەسى 2021 جىلى تولىق شەشىلەتىن بولادى», دەدى ع.ءابدىراحىموۆ.
