«مۇڭايما» قورى 2007 جىلى الماتى وبلىسىندا جۇمىسىن باستادى. قوردىڭ تابىستى جوبالارىنىڭ ءبىرى «الەۋمەتتىك قالاشىقتىڭ» اشىلۋى بولدى, وندا از قامتىلعان ازاماتتار قونىستانا الادى, جاڭا ماماندىقتاردى وقىپ, وندىرىستە جۇمىس ىستەي الادى جانە ءوز ءىسىن اشۋعا كومەك الا الادى.
«مۇڭايما» قورىنىڭ ۇيلەستىرۋشىسى مەرحان ءابىلوۆ مىندەتتى شارت ماماندىق بويىنشا وقىتۋ, كەيىن جۇمىسقا ورنالاستىرۋ بولىپ تابىلادى دەپ اتاپ ءوتتى. جوباعا قاتىسۋ ءبىر جىل بويىنا جالعاسادى - العاشقى 6 ايدا وقىتۋ جانە «الەۋمەتتىك قالاشىقتا» جۇمىس جاسايدى, ال كەيىنگى كەزەڭدە بيزنەستى باستاۋ ءۇشىن بيزنەس-جوسپار ازىرلەۋدە كومەك كورسەتىلەدى. بيزنەس-يدەيانى ىسكە اسىرۋ ءۇشىن قور العاشقى جارتى جىل ىشىندە قاتىسۋشى تاپقان كاپيتالدى ەكى ەسە كوبەيتەدى.
ب. ساپارباەۆ جوباعا قاتىسۋشىلار جۇمىس ىستەيتىن وندىرىسپەن, ولاردىڭ ءومىر ءسۇرۋ جاعدايىمەن تانىستى جانە قالاشىق اۋماعىندا ورنالاسقان بالاباقشاعا باردى.
مينيستر قوردىڭ جۇمىسىنا وڭ باعا بەردى. جەكە بيزنەستىڭ وسىنداي الەۋمەتتىك جوبالارىن بۇكىل قازاقستان بويىنشا تاراتۋ قاجەت ەكەنىن اتاپ ءوتتى.
2016 جىلدان باستاپ 500-گە جۋىق وتباسى جوباعا قاتىستى. قازىرگى ۋاقىتتا «الەۋمەتتىك قالاشىقتا» 120 ادام تۇرادى. قالاشىقتىڭ 350 ادامعا دەيىن ورنالاستىرۋ مۇمكىندىگى بار. وسىنداي جوبانى ەلوردا اكىمدىگىنىڭ قولداۋىمەن نۇر-سۇلتان قالاسىندا جۇزەگە اسىرۋ جوسپارلانۋدا.
