كونفەرەنتسيا باستالعانعا دەيىن قوناقتار «ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى: داستۇردەن جاڭاشىلدىققا دەيىن» اتتى ءبىلىم ورداسىنىڭ عىلىمي جەتىستىكتەرىن كورسەتەتىن كورمەنى ارالادى. الىس-جاقىن ەلدەردەن كەلگەن عالىمدارعا ۋنيۆەرسيتەتتەگى احمەت بايتۇرسىنوۆ, ارحەولوگيا, ەنتومولوگيا مۋزەيلەرى دە قىزىقتى بولدى.
كونفەرەنتسيادا شەت ەل عالىمدارى ءسوز الدى. دوكتور PhD, دۋبروۆنيك ۋنيۆەرسيتەتىندەگى ەكونوميكا جانە بيزنەس كافەدراسىنىڭ دوتسەنتى ماريا بەنيچ پەناۆا حورۆاتياداعى مادەني مۇرانى تسيفرلاندىرۋ تۋرالى اڭگىمەلەدى. كونفەرەنتسياداعى پىكىر الماسۋدا ا.بايتۇرسىنوۆ اتىنداعى ۋنيۆەرسيتەت پەن حورۆاتيالىق دۋبروۆنيك ۋنيۆەرسيتەتى اراسىندا قوسديپلومدىق ءبىلىم بەرۋ, بولاشاقتا ستۋدەنتتەر مەن وقىتۋشىلار الماسۋ, ەۋروپالىق جوعارى وقۋ ورنىندا تاجىريبەدەن ءوتۋ سەكىلدى ىنتىماقتاسۋ تۋرالى ۇسىنىس بولدى.
كاسىبي جانە الەۋمەتتىك ءبىلىم مەكەمەلەرىنىڭ ەۋروپالىق قاۋىمداستىعىنىڭ ۋاكىلەتتى وكىلى گاۋكس ۆالتەر «شاعىن جانە ورتا كاسىپكەرلىك كاسىپورىندارىن كەشەندى جاڭعىرتۋ سالاسىندا حالىقارالىق ىنتىماقتاستىقتى دامىتۋ» اتتى بايانداماسىندا ا.بايتۇرسىنوۆ اتىنداعى قوستاناي ۋنيۆەرسيتەتىنىڭ بازاسىندا «قازاقستان-گەرمان اگروكاسىپكەرلىكتى دامىتۋ سالالىق ورتالىعىن» اشۋ باستاماسىن كوتەردى.
«ورتالىق قىزمەتىنىڭ ستراتەگياسىن جاساۋ مەن جۇزەگە اسىرۋ وعان قىزىعۋشىلىق بىلدىرگەن ەكى جاقتاعى ارىپتەستەردىڭ ورتاق جۇمىسى بولىپ سانالادى. ۇيىمداستىرۋ ساتىسىندا جوبانۋ دامىتۋ جونىندەگى ەكى جاقتى جۇمىس توبىن قۇرۋ قاجەت» دەدى گاۋكس ۆالتەر.
كونفەرەنتسيادا گەرمانيالىق «LE» e. V. وڭىرلەردى دامىتۋدى قولداۋ حالىقارالىق قاۋىمداستىعى مەن ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتى اراسىنداعى ىنتىماقتاستىق مەموراندۋمىنا نەمىس جاعىنىڭ وكىلى گەنريح تسەرتيح مىرزا مەن قوستانايلىق ۋنيۆەرسيتەت رەكتورى الما دوسجانوۆا قول قويدى.
كونفەرەنتسياعا جينالعاندار 5 سەكتسيا بويىنشا جۇمىس ىستەدى.
