سپورت • 27 ءساۋىر، 2019

كۇرەس: بەس بالۋانىمىز جۇلدە ءۇشىن تالاسادى

995 رەت كورسەتىلدى

قىتايدىڭ سيان قالاسىندا كۇرەس تۇرلەرىنەن ءوتىپ جاتقان ازيا چەمپيوناتىندا گرەك-ريم كۇرەسى شەبەرلەرى ءوز باسەكەلەرىن باستادى. بۇگىن بەس سالماق دارەجەسى بويىنشا بەلدەسۋلەر وتۋدە.

بۇگىن بىزگە باس جۇلدە نەمەسە كۇمىس مەدالدىڭ بۇيىرمايتىنى انىق. ويتكەنى، قازاقستاننىڭ بالۋاندارىنىڭ ەشقايسى دا اقتىق سىنعا شىعا المادى. دەسەك تە جەرلەستەرىمىزدىڭ بارلىعى دا قولا مەدال ءۇشىن تالاسۋ مۇمكىندىكتەرىن ساقتاپ قالدى.

اتاپ ايتساق، 55 كيلو سالماقتاعى قورلان جاقانشا وڭتۇستىك كورەيانىڭ وكىلى دجەون حەكجينمەن، 63 كيلو سالماقتاعى قۇدايبەرگەن تۇرسىنوۆ يراندىق سامان موراد ابدۋۆاليمەن، 87 كيلو سالماقتاعى ازامات قۇستىباەۆ تاجىكستاندىق توحيرجون وحونوۆپەن جانە 130 كيلو سالماقتاعى دامير كۇزەمباەۆ ۇندىستاندىق پرەم پرەممەن كۇش سىناسادى. سونداي-اق، 77 كيلو سالماقتاعى تامەرلان شادۋكاەۆ تا ءۇشىنشى ورىن كۇرەسەدى.

بۇگىن كەشكە وسى سالماقتار دارەجەلەرىنىڭ جەڭىمپازدارى مەن جۇلدەگەرلەرىنىڭ ەسىمدەرى بەلگىلى بولادى. ال ەرتەڭ مەيرامبەك ايناعۇلوۆ (60 كيلو)، مەيىرجان شەرماحانبەت (67 كيلو)، دەمەۋ جادىراەۆ (72 كيلو)، ماقسات ەرەجەپوۆ (82 كيلو) جانە ءاليحان سىزدىقوۆ (97 كيلو).


سوڭعى جاڭالىقتار

ۇقساس جاڭالىقتار