كەزدەسۋ بارىسىندا قازاقستان مەن رەسەيدىڭ كولىك-لوگيستيكالىق جۇيەلەرى اراسىنداعى ىنتىماقتاستىقتى ودان ءارى تەرەڭدەتۋ جانە كەڭەيتۋ, بىرلەسكەن ترانزيتتىك الەۋەتتى دامىتۋ جانە جولاۋشىلار مەن جۇك تاسىمالداۋدىڭ تيىمدىلىگىن ارتتىرۋ ماسەلەلەرى قارالدى.
«رتج» ااق باس ديرەكتورى و. بەلوزەروۆ قازاقستاندىق ارىپتەستەرمەن ءوزارا قارىم-قاتىناس رەسەيلىك تەمىر جول جۇيەسى ءۇشىن اسا ماڭىزدى ەكەنىن اتاپ ءوتتى. ەلدەر اراسىنداعى جۇك تاسىمالى سوڭعى ۋاقىتتا ايتارلىقتاي ۇلعايدى.
«وسى جىلدىڭ قاڭتار–ناۋرىز ايلارىندا ترانزيتتىك تاسىمالدار وتكەن جىلدىڭ سايكەس كەزەڭىمەن سالىستىرعاندا 51%-عا ارتتى, جانە ءبىز ىنتىماقتاستىقتى كەڭەيتە تۇسۋگە نيەتتىمىز», — دەدى و. بەلوزەروۆ.
2018 جىلى قازاقستان مەن رەسەي اراسىنداعى جۇك تاسىمالداۋ كولەمى 2017 جىلمەن سالىستىرعاندا 467,7 مىڭ تونناعا ارتىپ, 85,4 ملن توننانى قۇرادى. بيىلعى ءى توقساننىڭ قورىتىندىسى بويىنشا جۇك تاسىمالدارىنىڭ كولەمى 21 ملن توننانى قۇرادى.
قر پرەمەر-ءمينيسترى ا. مامين قازاقستاننىڭ ءوزارا ءتيىمدى شارتتارمەن سىندارلى ىنتىماقتاستىقتى كەڭەيتە تۇسۋگە نيەتتى ەكەنىن اتاپ ءوتتى. سونىمەن بىرگە, قر ۇكىمەتىنىڭ باسشىسى «ءبىر بەلدەۋ, ءبىر جول» جوباسىنىڭ اياسىندا ەكى ەلدىڭ تەمىر جول جۇيەلەرىنىڭ بىرلەسىپ قاتىسۋىنىڭ ۇلكەن الەۋەتىن ايتىپ ءوتتى.
جالپى العاندا, تاراپتار قازىرگى ءوزارا ءىس-قيمىلدى نىعايتۋدى جالعاستىرۋعا جانە ىنتىماقتاستىقتىڭ جاڭا بىرلەسكەن باعىتتارىن ىسكە اسىرۋ جونىندەگى جۇمىستاردى جانداندىرۋعا نيەت ءبىلدىردى.
