«وتاندى ءسۇيۋ – وتباسىنان باستالادى» اتتى بايقاۋ ءۇش كەزەڭنەن تۇردى: سالەمدەسۋ, سپورتتىق ەستافەتا جانە شىعارماشىلىق بايقاۋ. بايقاۋدىڭ ەڭ كوزتارتار جانە ەموتسيونالدىق ءساتى سپورتتىق ەستافەتا بولدى. ونىڭ بارىسىندا اتا-انالار مەن بالالار سەكىرتپەدە سەكىردى, شەڭبەردى اينالدىردى, نايزانى لاقتىردى, دوپپەن جۇگىردى جانە وزدىگىنەن سىرعانايتىن قۇرالدى تەپتى. شىعارماشىلىق بايقاۋ قاتىسۋشىلارعا شەكتەۋ قويعان جوق. سوندىقتان قاتىسۋشىلار كورەرمەندەردى كوركەمدىك نومىرلەرمەن, قويىلىم جانە ءتاتتى پىسىرمەلەرمەن قۋانتتى.
بايقاۋ قورىتىندىسى بويىنشا سەرجانت م. سۇندەتقاليەۆتىڭ جانۇياسى جەڭىسكە قول جەتكىزدى, ەكىنشى ورىن كىشى سەرجانت ي. يحسانوۆتىڭ وتباسىنا بۇيىردى. ءۇشىنشى ورىنعا ەفرەيتور د. يدريشەۆتىڭ اۋلەتى تابان تىرەدى.
ەستەرىڭىزگە سالا كەتسەك, قارۋلى كۇشتەردە بىرنەشە جىل بويى اسكەري قىزمەتشىلەردىڭ وتباسىلارىمەن جۇمىس جونىندەگى قىزمەت جۇمىس اتقارىپ كەلەدى. ولاردىڭ باستى ماقساتتارى مەن مىندەتتەرى وتباسى بەدەلىن نىعايتۋ, ونىڭ الەۋمەتتىك مارتەبەسىن ارتتىرۋ, وتباسىلىق قۇندىلىقتار مەن ءداستۇردى دامىتۋ, بەلسەندى الەۋمەتتىك ۇستانىمدى قالىپتاستىرۋ, سونداي-اق جاس وتباسىلاردىڭ سالاۋاتتى جانە بەلسەندى ءومىر سالتىن ناسيحاتتاۋ بولىپ تابىلادى.
