وبلىس وڭىرىندەگى 158 اۋىلدا مەكتەپ جوق, ونداي اۋىلداردا 1412 بالا تۇرادى. ولاردى كورشى اۋىلدارداعى مەكتەپتەرگە كۇن سايىن , كەيبىر اۋىلداردا اپتا سايىن اۆتوبۋسپەن تاسيدى.
«ەلباسى تاپسىرماسىنا وراي وبلىستا وسى ماسەلەنى شەشۋ ماقساتىندا جۇمىس ءجۇرىپ جاتىر. مەملەكەتتىك نورماتيۆتەرگە سايكەس كەلمەيتىن مەكتەپتەر ماسەلەسىن شەشۋ تۋرالى 2019-2021 جىلدارعا ارنالعان جۇمىس جوسپارى جاسالىپ, بيۋدجەتتەن بولىنگەن 107,1 ميلليون تەڭگەگە 7 اۆتوبۋس ساتىپ الىندى. مۇنىڭ سىرتىندا قارساۋ اۋدانىندا ينۆەستورلار كومەگىمەن ەكى اۆتوبۋس الىندى» دەدى وبلىستىق ءبىلىم بەرۋ باسقارماسىنىڭ باسشىسى ۆاسيلي تسىمباليۋك.
ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ: تاجەريبە, باسىمدىقتار مەن مىندەتتەر» اتتى قازاقستان حالقىنا جولداۋى اياسىندا وبلىستىڭ ءبىلىم بەرۋ ساپاسىن دامىتۋ» اتتى كەڭەيتىلگەن القا ماجىلىسىندە مۇنان دا باسقا سالانىڭ وزەكتى ماسەلەلەلەرى ورتاعا سالىندى. سولاردىڭ ءبىرى مەكتەپ قازاندىقتارىنىڭ جاعدايى بولىپ تابىلادى. 2017 جىلدان بەرى مەكتەپكە جاپسارلاس سالىنعان 148 مەكتەپتىڭ قازاندىعى انىقتالعان. ولار بالالاردىڭ ءومىرى مەن دەنساۋلىعىنا قاۋىپ توندرەدى. بۇگىنگە دەيىن تەك 18 مەكتەپتىڭ قازاندىعى دۇرىستالدى.
