2019 جىلعى 1 قاڭتاردان باستاپ قازاقستان رەسپۋبليكاسىنىڭ ۇلتتىق بانكى تاۋەكەلگە باعدارلانعان ءتاسىلدى پايدالانا وتىرىپ, قاداعالاپ دەن قويۋ شارالارىن قولدانۋعا ءوتۋدى جۇزەگە اسىردى. ۇلتتىق بانك 2019 جىلعى ءبىرىنشى توقساننىڭ قورىتىندىسى بويىنشا ەكىنشى دەڭگەيدەگى بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ كورسەتىلگەن كەزەڭدە قارجىلىق قىزمەتتەردى تۇتىنۋشىلاردىڭ قۇقىقتارى مەن زاڭدى مۇددەلەرىنىڭ بۇزىلۋىنا مونيتورينگ جانە تالداۋ جۇرگىزدى. جۇرگىزىلگەن تالداۋ ناتيجەلەرى بانكتەر كوپ جاعدايدا قازاقستان رەسپۋبليكاسىنىڭ بانك زاڭناماسىندا, سونداي-اق ۇلتتىق بانكتىڭ نورماتيۆتىك قۇقىقتىق اكتىلەرىندە بەلگىلەنگەن تارتىپتەردى ساقتامايتىنىن كورسەتتى. 2019 جىلعى 1-توقساندا اكىمشىلىك جاۋاپكەرشىلىك كوزدەلگەن بۇزۋشىلىقتار ءۇشىن بانكتەرگە ۇسىنىلعان اكىمشىلىك ايىپپۇلداردىڭ جالپى سوماسى 4 ملن 500 مىڭ تەڭگەدەن استام بولدى. 2011 جىلدان باستاپ «بانكتەر تۋرالى» زاڭدا قارجى ۇيىمدارىنىڭ بانكتىك قارىز شارتتارىندا قارىز بەرۋگە بايلانىستى الۋعا جاتاتىن كوميسسيالاردىڭ تولىق تىزبەسىن جانە ولاردىڭ مولشەرىن كورسەتۋ مىندەتى جانە جاسالعان شارت شەڭبەرىندە كوميسسيالاردىڭ جاڭا تۇرلەرىن بىرجاقتى تارتىپپەن ەنگىزۋگە تىيىم سالىندى. بۇل رەتتە قارىز بەرۋگە بايلانىستى كوميسسيالاردىڭ تىزبەسى جانە اتاۋلارى بويىنشا قانداي دا بولسىن شەكتەۋلەر زاڭنامادا بەلگىلەنبەگەن. تەكسەرۋ بارىسىندا ۇلتتىق بانك نەسيە شوتىن جۇرگىزگەنى ءۇشىن كوميسسيانى شارتقا قوسىپ قويعان جاعدايلاردى انىقتادى. «تولەمدەر تۋرالى» زاڭنىڭ 27-بابىنا سايكەس, وسى باپتا كورسەتىلگەن وپەراتسيالار جۇرگىزىلمەيتىن, سونداي-اق بانكتەگى نەمەسە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداعى بۋحگالتەرلىك ەسەپتىڭ پوزيتسيالارىن كورسەتەتىن شوتتار, بالانستىق شوتتىڭ قۇراۋىشتارى بولىپ تابىلاتىن جەكە شوتتار (قوسالقى پوزيتسيالار), ونىڭ ىشىندە نەسيەلىك شوتتار بانكتىك شوتتار بولىپ تابىلمايدى. دەمەك, نەسيە شوتىن جۇرگىزگەنى ءۇشىن الىناتىن كوميسسيا بانك قىزمەتىن كورسەتۋگە بايلانىستى كوميسسيا بولىپ تابىلمايدى. ۇلتتىق بانك مۇددەلى مەملەكەتتىك ورگاندارمەن بىرلەسىپ, نەسيە شوتىن جۇرگىزگەنى ءۇشىن الىناتىن كوميسسيانى ءوندىرىپ الۋ پراكتيكاسىنىڭ زاڭدىلىعىن باعالاۋ بويىنشا جۇمىس جۇرگىزدى. بۇل جۇمىستىڭ قورىتىندىسى بويىنشا بانكتەردىڭ كليەنتتەردەن نەسيە شوتىن جۇرگىزگەنى ءۇشىن كوميسسيا الۋى زاڭسىز دەپ باعالاندى. وسى ورايدا, ۇلتتىق بانك بانكتەردىڭ اتىنا نەسيە شوتىن جۇرگىزگەنى ءۇشىن كوميسسيا الۋ تاجىريبەسىن توقتاتۋ قاجەتتىگى تۋرالى حات جولدادى. نەسيە شوتىن جۇرگىزگەنى ءۇشىن كوميسسيا الۋ فاكتىسى انىقتالعان جاعدايدا, ۇلتتىق بانك بانكتەرگە قازاقستان رەسپۋبليكاسىنىڭ زاڭناماسىندا كوزدەلگەن ءتيىستى شارالاردى قولدانۋعا قۇقىلى ەكەندىگى جونىندە ەسكەرتىلدى. ۇلتتىق بانك نەسيە شوتىن جۇرگىزگەنى ءۇشىن كوميسسيا الۋ تاجىريبەسىن جالعاستىرۋعا قاتىستى كەيبىر بانكتەردىڭ ءىس-ارەكەتتەرىندە انىقتالعان بۇزۋشىلىقتار بويىنشا قولدانىستاعى بانكتىك قارىز شارتتارى بويىنشا نەسيە شوتىن جۇرگىزگەنى ءۇشىن كوميسسيا الۋدى توقتاتۋ ۇيعارىمى تۇرىندە شەكتەۋلى ىقپال ەتۋ شارالارىن قولداندى.
