سيپاتتاماسى جونىنەن بىرەگەي بولىپ تانىلعان ترانسفورماتور زاۋىتى شىمكەنت قالاسىنىڭ «تاسساي» ءوندىرىس اۋماعىندا 12 گەكتار جەرگە ورنالاسقان. زاۋىت - كەرنەۋى 110كۆ-دان 500كۆ-عا دەيىنگى ترانسفورماتور شىعاراتىن ورتالىق ازياداعى بىردەن-ءبىر ءوندىرىس ورنى.
زاۋىتتىڭ اشىلۋ راسىمىنە شىمكەنت قالاسى اكىمىنىڭ ورىنباسارى دانات جۋمين, «Asia Trafo» زاۋىتىنىڭ باس ديرەكتورى سەرعازى كۇنتۋاروۆ, سونداي-اق شەتەلدىك قوناقتار, قر دامۋ ينستيتۋتىنىڭ قىزمەتكەرلەرى, «اتامەكەن» ءۇوپ, مينيسترلىكتەر, سالالىق كوميتەتتەر باسشىلارى, بىرەگەي اسسوتسياتسيا, جەرگىلىكتى اتقارۋشى ورگانداردىڭ, ۇلتتىق كومپانيالاردىڭ, كوممۋنالدى كاسىپورىنداردىڭ جانە تمد ەلدەرىنىڭ ىرگەلى تۇتىنۋشى ۇيىمدارىنىڭ وكىلدەرى قاتىستى.
«Asia Trafo» زاۋىتىنىڭ باس ديرەكتورى سەرعازى كۇنتۋاروۆ جينالعاندارعا ينۆەستيتتسيالىق جوبانىڭ تاريحى, تەحنولوگياسى, الەۋەتى, ءونىمنىڭ ەرەكشەلىگى جانە ەكسپورتتىق مۇمكىندىگى جونىندە اڭگىمەلەدى. جوبا «قازاقستاننىڭ دامۋ بانكى» اق-ى جانە «برك-ليزينگ» اق-ىنىڭ قارجىلاي قولداۋىمەن جۇزەگە اسىرىلادى. جوبا جەتەكشىسى ەركەبۇلان يلياسوۆتىڭ ايتۋىنشا, كاسىپورىن كەرنەۋلىگىنىڭ اۋقىمدىلىعى 110كۆ-دان 500كۆ-عا دەيىن ەنەرگيا وندىرەتىن جوعارى ساپالى قوندىرعىلاردى جوبالاپ, شىعارۋمەن اينالىسادى. ايتا كەتەرلىگى, بۇگىنگە دەيىن قازاقستاندا وسىنداي قۋاتتى ەلەكتروەنەرگەتيكالىق قوندىرعى شىعارۋ قولعا الىنباعان.
– زاۋىتقا وتاندىق قۇرىلىس ماتەريالدارى پايدالانىلدى. تەك زاۋىت ىشىندەگى ارنايى قوندىرعىلار ۋكراينادان جانە ت.ب. ەلدەردەن اكەلىندى. كاسىپورىن قازاقستانداعى ەلەكتروتەحنيكالىق قوندىرعى شىعاراتىن «Alageum Electric» قۇرامىنا جاتادى. بۇل جوعارى تەحنولوگيالىق زاۋىتتىڭ قۇرىلىسى 2017 جىلى باستالدى. العاشقى كۇندەردىڭ وزىندە-اق ەنەرگەتيكتەر بۇل جوبانى قازاقستان اۋماعىنداعى ەڭ يننوۆاتسيالى زاۋىت دەپ اتاي باستاعان بولاتىن. كاسىپورىننىڭ ءونىمى ءوزىنىڭ بىرەگەي پاتەنتتەلگەن تەحنولوگياسى بويىنشا وندىرىلەدى, – دەدى جوبا جەتەكشىسى ەركەبۇلان يلياسوۆ.
ەندى «Asia Trafo» زاۋىتىنىڭ اشىلۋى قازاقستانمەن قوسا ۇشىنشى مەگاپوليستىڭ دامۋىنا دا ەلەۋلى ۇلەس قوسادى. كاسىپورىننىڭ ونىمدەرىن تمد ەلدەرىنىڭ نارىعىنا, ياعني رەسەي, وزبەكستان, قىرعىزستان مەملەكەتتەرىنە, سونداي-اق يران, اۋعانستان, پاكىستانعا شىعارۋ جوسپارلانىپ وتىر.
ايتا كەتۋ كەرەك, «Alageum Electric» – قازاقستانداعى ىرگەلى ەلەكتروتەحنيكالىق كومپانياسى. قۇرامىندا ەلەكتروەنەرگەتيكا, ەلەكتروماشينا قۇرىلىسى جانە قۇرىلىس سالاسىن جۇرگىزەتىن 30-دان استام كاسىپورىنى مەن زاۋىتتارى بار. ولاردىڭ قاتارىندا كەنتاۋ قالاسىنداعى «كەنتاۋ ترانسفورماتور» زاۋىتى جانە «ەلەكترومونتاج» اق, «ەلەكتر بۇيىمدارىن قۇراستىرۋ زاۋىتى» بار. بۇل كاسىپورىندار 10 ارناۋلى قۇراستىرۋ باسقارماسىن بىرىكتىرىپ, نەبىر كۇردەلى ەلەكترو قوندىرعىلارىن قۇراستىرادى.
