- پرەزيدەنت سايلاۋى – دەموكراتيالىق دامۋدىڭ نەگىزى. جاستار – ەل بولاشاعى, ال ستۋدەنتتەر – قازاقستاندىق قوعامنىڭ ەڭ بەلسەندى بولىگى. ءبىز تاڭدايتىن كانديدات ەلىمىزدى العا جەتەلەيدى, ول جاستاردى قولداۋ ساياساتىن دامىتۋدى جالعاستىرادى. مەملەكەتىمىزدىڭ الەمدىك ۇردىستەردىڭ ءبىر بولىگى بولۋى جولىندا تىنىمسىز ەڭبەك ەتەدى دەپ سەنەمىز, - دەدى پرورەكتور ا. اقىشەۆ.
وبلىستىق اسسامبلەيا جانىنداعى جاستار بىرلەستىكتەرىن ۇيلەستىرۋ كەڭەسىنىڭ توراعاسى راميل سمايلوۆتىڭ ايتۋىنشا, كەزەكتەن تىس پرەزيدەنت سايلاۋى – ەل تاعدىرى ءوز قولىمىزدا ەكەنىن دالەلدەيتىن شارا.
- ءبىز دۇرىس جولدى تاڭدايمىز. سايلاۋ ەلىمىزدىڭ دامۋىن باعدارلايتىن ماڭىزدى قادام بولماق. ارقايسىمىز الىپ مەحانيزمنىڭ ءبىر بولىگى ەكەنىمىزدى تۇسىنسەك, مىندەتتى تۇردە داۋىس بەرەمىز. ءار داۋىس پەن ءار پىكىر ازاماتتىق قوعامنىڭ دامۋى, قوعامدىق كەلىسىم مەن ۇلتارالىق بىرلىكتى ساقتاۋ ءۇشىن ماڭىزدى, - دەيدى راميل سمايلوۆ.
