سونداي-اق, قازاقستان پرەزيدەنتى «100 مەكتەپ – 100 اۋرۋحانا» باعدارلاماسى اياسىندا سالىنعان كوپ سالالى اۋرۋحانانىڭ جۇمىسىمەن تانىستى. قاسىم-جومارت توقاەۆقا مەديتسينالىق مەكەمەنىڭ ەمدەۋ-ساۋىقتىرۋ, وتا جاساۋ بولمەلەرى كورسەتىلىپ, نەگىزگى قىزمەت باعىتى جونىندە مالىمەت بەرىلدى.
جالپى اۋماعى 44,5 مىڭ شارشى مەتر بولاتىن اۋرۋحانادا 800-دەن استام قىزمەتكەر جۇمىس ىستەيدى. ءبىر ۋاقىتتا 345 ناۋقاستى قابىلداپ, العاشقى مەديتسينالىق قىزمەت الادى.
قازاقستان پرەزيدەنتى جەدەل مەديتسينالىق جاردەم اۋرۋحاناسىنىڭ قىزمەتكەرلەرىمەن اڭگىمەلەسۋ بارىسىندا وڭىردە مامانداندىرىلعان جوعارى تەحنولوگيالىق مەديتسينالىق مەكەمەلەردىڭ, رەسپۋبليكالىق عىلىمي ورتالىقتاردىڭ بولىمشەلەرىن اشۋ جونىندە اۋقىمدى جۇمىستار جۇرگىزىلىپ جاتقانىن ايتتى. دەنساۋلىق ساقتاۋ سالاسىن تولىقتاي تسيفرلاندىرۋدىڭ ماڭىزدىلىعىنا توقتالدى.
سوڭىندا قازاقستان پرەزيدەنتى مەديتسينالىق مەكەمە ۇجىمىنا تابىس تىلەدى.
