قىزىلوردا وبلىستىق پوليتسيا دەپارتامەنتى ءباسپاسوز قىزمەتىنىڭ دەرەگىنشە, «كيىك» جانە «ۋىلدىرىق» جەدەل پروفيلاكتيكالىق ءىس-شاراسىنىڭ 20 كۇنىندە 48 اكىمشىلىك جانە 8 قىلمىستىق قۇقىق بۇزۋشىلىق انىقتالعان.
ءىس-شارا باراسىندا ارال اۋدانى تۇرعىنىنىڭ تۇرعىلىقتى مەكەن-جايىنىڭ اۋلاسىندا ورنالاسقان جازدىق سۋعا تۇسۋگە ارنالعان دۋش ىشىنەن 21 دانا ەسكىرگەن كيىك مۇيىزىنە ۇقساس زاتتار انىقتالىپ, زاتتاي دالەلدەمە رەتىندە كۋاگەرلەردىڭ قاتىسۋىمەن تولىقتاي تاركىلەنىپ الىندى. اتالعان دەرەك بويىنشا قر قك-ءنىڭ 339-بابى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر.
بۇدان بولەك ءىس-شارا بارىسىندا اڭ اۋلاۋ قاعيدالارىن بۇزۋدىڭ 9 جانە جانە بالىق اۋلاۋ ەرەجەسىن بۇزۋدىڭ 29 دەرەگى انىقتالدى. بۇل دەرەكتەر بويىنشا قازاقستان رەسپۋبليكاسى اقبتك-ءنىڭ 382-بابى جانە 383-بابى بويىنشا اكىمشىلىك حاتتامالار تولتىرىلعان.
كىشى ارال بۇگىندە بالىقتاردىڭ ءتۇر-تۇرىنە باي. ولار ۋىلدىرىق شاشىپ كوبەيسە ەلگە ىرىس, كاسىپكەرگە ءناسىپ.
