وزبەكستان ساپارى وزەكتىلىگىمەن ەرەكشەلەنەدى

كەشە قازاقستان سىرتقى ىستەر مينيسترلىگىنىڭ رەسمي وكىلى اسقار ابدراحمانوۆ جۋرناليستەرگە ارنالعان ءباسپاسوز بريفينگىن وتكىزىپ, الداعى اپتادا قانداي سىرتقى بايلانىستار بولاتىندىعى جونىندە حاباردار ەتتى. 16-17 ناۋرىزدا ەلباسى نۇر­سۇلتان نازارباەۆ وزبەكستان پرەزيدەنتى يسلام كاريموۆتىڭ شاقىرۋىمەن كورشىلەس مەملە­كەتكە رەسمي ساپارمەن بارادى. قازاقستان تارابى وزبەكستانمەن ەكىجاقتى قاتىناستاردى جوعارى باعالاي وتىرىپ, ەكى ەل اراسىندا ساياسي, ساۋدا-ەكونوميكالىق, گۋما­ني­تارلىق جانە باسقا دا سالالار­داعى ءوزارا ءتيىمدى ىنتىماق­تاس­تىقتى ودان ءارى نىعايتۋعا زور ءمان بەرەدى. ەلباسىنىڭ رەسمي ساپارى ەكىجاقتى قاتىناستاردى جاڭا دەڭگەيگە كوتەرۋگە مۇمكىندىك تۋعىزۋى ءتيىس, دەدى رەسمي وكىل. سونداي-اق ول قازاقستان پرە­­­زي­دەنتىنىڭ ساپارى ماقساتىنا توقتا­لىپ,  تاشكەنتكە ەلباسىنىڭ ەكىجاقتى قارىم-قاتىناستاردىڭ تۇبەگەيلى ماسەلەلەرىن سىندارلى جانە جان-جاقتى نەگىزدە تالقىلاۋ ءۇشىن ءارى جالپى ورتالىق ازيا ايماعىن مەكەندەيتىن بارلىق حا­لىقتارعا پايداسىن تيگىزە الاتىن بىرلەسكەن شەشىمدەرگە قول جەتكىزۋ ءۇشىن باراتىنىن مالىمدەدى.  قا­زاق­­ستان تارابى ەكىجاقتى ۇنقا­تى­سۋعا دايىن ەكەنىن كورسەتە وتى­رىپ, ايماقتىق قاۋىپسىزدىكتى قام­تاماسىز ەتۋ, سۋ رەسۋرستارىن بىرلەسىپ, ءتيىمدى پايدالانۋ, ءوزارا قىزىعۋشىلىق تۋعىزاتىن ەكونو­مي­كالىق جوبالار­دى جۇزەگە اسىرۋ ماقساتتارىن كوز­دەيتىن ۇسىنىستار ەنگىزۋدى جوسپار­لاۋدا ەكەنىن جەت­كىزدى. ساپار قورى­تىندىسى بوي­ىنشا مەملەكەت باسشىلارىنىڭ بىرلەسكەن مالىمدە­مەگە قول قويۋى جوسپارلانۋدا, دەدى ا.ابدراح­مانوۆ. 23 جانە 25 ناۋرىز ارالىعىندا مەملەكەتتىك حاتشى – سىرتقى ىستەر ءمينيسترى قانات ساۋداباەۆ جاپونياعا رەسمي ساپارمەن با­را­دى. ەكى ەل اراسىنداعى ستراتەگيا­لىق ارىپتەستىكتى نىعايتۋعا با­عىت­تالعان ساپار بارىسىندا وتاندىق ديپلو­ماتيانىڭ جەتەكشىسى جاپو­نيانىڭ ساياسي باسشىلىعى جانە ىسكەر توپ­تارىمەن كەزدەسىپ, ءبىر­قاتار كەلىس­سوزدەر وتكىزەدى دەپ جوسپارلانۋدا. سونداي-اق 2008 جىلى ماۋسىمدا ەلباسى نۇر­سۇل­تان نازارباەۆتىڭ جاپونياعا جاساعان رەسمي ساپارى بارىسىندا ساۋدا-ەكونوميكالىق, ينۆەستي­تسيا­لىق جانە تەحنولوگيا­لىق سا­لا­لاردا قول جەتكىزىلگەن ۋاعدالاس­تىق­تاردىڭ جۇزەگە اسىرىلۋ ءما­سەلەلەرى دە تالقىلاناتىن بولادى. 15 جانە 19 ناۋرىز ارالىعىندا قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى كون­ستانتين جيگالوۆتىڭ ەۋروپا­داعى قاۋىپسىزدىك جانە ىنتىماق­تاس­تىق ۇيىمى ءىس باسىنداعى ءتورا­عاسىنىڭ ارنايى وكىلى رەتىندە وڭ­تۇستىك – شىعىس ەۋروپا مەم­لە­كەتتەرىنە ساپارى بولادى. سا­پا­رى بارىسىندا توراعانىڭ ارنايى وكىلى البانيا, چەرنوگوريا, بوس­نيا جانە گەرتسە­گوۆينادا اتالعان مەملەكەتتەردىڭ ساياسي باسشى­لىق­تارىمەن كەزدەسىپ, ايماقتا ساياسي تۇراقتىلىقتى ساقتاۋ ماسەلەلەرى بويىنشا كەلىسسوزدەر وتكىزەدى دەپ كۇتىلۋدە, دەدى ءسوزىنىڭ قورىتىن­دىسىندا رەسمي وكىل. جاقسىباي سامرات.