«بارلىق سۋبۇرقاقتاردى ىسكە قوسپاس بۇرىن ءبىز تەحنيكالىق جانە تازالىق جۇمىستارىن جۇرگىزەمىز. وعان: شامداردى, مۋزىكا مەن جارىق بەرۋدى, قۇبىرلاردىڭ جارامدىلىعىن تەكسەرۋ, سىرتقى كورىنىستى قالپىنا كەلتىرۋ, سونداي-اق سۋدى دايىنداۋ جاتادى. ىسكە قوسىلعان سوڭ ماماندار جوسپارلى تەكسەرۋلەر جۇرگىزەدى. كۇن سايىن ساعات 11:00-دەن 12:00-گە دەيىن, 16:00-دەن 17: 00-گە دەيىن تەحنيكالىق ءۇزىلىس كەزىندە قوقىس جيناۋ ۇيىمداستىرىلادى» – دەپ مالىمدەدى ەسىل اۋدانى اكىمدىگىنىڭ ءباسپاسوز قىزمەتىندە.
ەڭ ۇلكەن سۋبۇرقاقتار «جەرۇيىق» ساياباعىندا, «استانا-بايتەرەك» مونۋمەنتى جانىندا, مينيسترلىكتەر ءۇيى مەن «جاستار» سارايىنىڭ جانىندا ورنالاسقان. قالاداعى سۋبۇرقاقتار 1 مامىردا ىسكە قوسىلماق.
