ۇكىمەت • 26 ءساۋىر، 2019

ۇكىمەتتىك جۇمىس توبى الماتىنىڭ الەۋمەتتىك مەكەمەلەرىنىڭ جۇمىسىن تەكسەردى

717 رەت كورسەتىلدى

پرەمەر-ءمينيستردىڭ ورىنباسارى گ. ابدىقالىقوۆانىڭ باسشىلىعىمەن ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنىڭ نەگىزگى باعىتتارىن ءتۇسىندىرۋ جونىندەگى ۇكىمەتتىك دەلەگاتسيا الماتى قالاسىنا باردى دەپ حابارلايدى primeminister.kz

دەلەگاتسيا الدىمەن №2 قالالىق بالالار كلينيكالىق اۋرۋحاناسىنىڭ جانىنداعى كونسۋلتاتسيالىق-دياگنوستيكالىق پەدياتريا ورتالىعىنا باردى. وندا دەلەگاتسياعا قابىلداۋ ءبولىمى مەن حيرۋرگيا كەشەنىنىڭ جۇمىسى تانىستىرىلدى. ونى بيزنەستىڭ الەۋمەتتىك جاۋاپكەرشىلىگى اياسىندا اسەل تاسماعامبەتوۆا باسشىلىق ەتەتىن «ءسابي» قايىرىمدىلىق قورى قۇرعان. جوبانىڭ جالپى قۇنى — 2،5 ملرد تەڭگە.

قازاق ونكولوگيا جانە راديولوگيا عىلىمي-زەرتتەۋ ينستيتۋتىندا گ. ابدىقالىقوۆا مولەكۋلالىق-گەنەتيكالىق زەرتتەۋلەر ورتالىعىنىڭ جۇمىسىمەن تانىستى. مەديتسينالىق مەكەمە زاماناۋي جابدىقپەن: كومپيۋتەرلىك جانە ماگنيتتى-رەزونانستىق توموگرافتارمەن، ساراپتامالىق كلاستاعى راديوگرافيكالىق رەنتگەن جانە ۋلترادىبىستىق جۇيەلەرمەن، ەكگ-اپپاراتتارمەن جابدىقتالعان. بارلىق پروتسەستەر تسيفرلىق فورماتتا جۇزەگە اسىرىلادى.

سودان كەيىن پرەمەر-ءمينيستردىڭ ورىنباسارى «MEIIRIM» مۇمكىندىگى شەكتەۋلى بالالار مەن جاسوسپىرىمدەرگە ارنالعان وڭالتۋ ورتالىعىنا باردى. ورتالىقتا 3-15 جاس ارالىعىنداعى مۇمكىندىگى شەكتەۋلى بالالار مەن جاسوسپىرىمدەردىڭ جان-جاقتى دامۋى، الەۋمەتتەنۋى مەن وقۋى ءۇشىن بارلىق قاجەتتى جاعدايلار جاسالعان. ورتالىق اشىلعان كەزدەن باستاپ (2018 جىلدىڭ قاراشاسى) 200-گە جۋىق بالا وڭالتۋ مەن الەۋمەتتەندىرۋ شارالارىنان ءوتتى.  

كەلەسى ءىس-شارا 2018 جىلدىڭ ماۋسىم ايىنان بەرى جۇمىس ىستەپ كەلە جاتقان بەلسەندى ۇزاق ءومىر ءسۇرۋ ورتالىعىندا ءوتتى. وندا مەديتسينالىق كابينەت، يوگا زالى، كومپيۋتەرلىك ساۋاتتىلىققا وقىتۋ، قازاق جانە اعىلشىن تىلدەرىن ۇيرەتۋ كابينەتتەرى، سونداي-اق ەڭبەك تەراپياسىنا ارنالعان كابينەت بار. وسى ۋاقىت ارالىعىندا 900-گە جۋىق زەينەتكەر باسسەيندەر مەن فيتنەسكە تەگىن بارىپ، 300-دەن استام قارت ادام «سۇڭقار» تالىمباعىنا، بيىك تاۋداعى «مەدەۋ» سپورت كەشەنىنە، ورتالىق مەملەكەتتىك مۋزەيگە جانە ت.ب. تەگىن ەكسكۋرسيا جاسادى.

سونداي-اق، پرەمەر-ءمينيستردىڭ ورىنباسارى مەن ەڭبەك جانە حالىقتى الەۋمەتتىك قورعاۋ ءمينيسترى حالىقتى جۇمىسپەن قامتۋ ورتالىعىنىڭ قىزمەتىنە تەكسەرۋ جۇرگىزدى. جىل باسىنان بەرى 3،4 مىڭ ادام جۇمىسقا ورنالاستىرىلدى، ونىڭ 254-ءى از قامتىلعان، كوپ بالالى وتباسىلاردان شىققاندار. 717 ادام الەۋمەتتىك جۇمىس ورىندارىمەن قامتاماسىز ەتىلدى. 2،5 مىڭ ادام قوعامدىق جۇمىستارعا تارتىلدى.

سونىمەن بىرگە، گ. ابدىقالىقوۆا ازاماتتاردى قابىلدادى. اتاپ ايتقاندا، 4 بالانى تاربيەلەپ وتىرعان كوپ بالالى انا جاننا توقتاسىنوۆا جۇبايىن جۇمىسقا ورنالاستىرۋ جونىندە ءوتىنىش ءبىلدىرىپ كەلگەن بولاتىن. اتاۋلى الەۋمەتتىك كومەكتى الۋ ءۇشىن جۇبايى جۇمىسپەن قامتىلۋى ءتيىس. ماسەلە شەشىلدى – ۆيتسە-پرەمەر قالا باسشىلىعىنا ناقتى تاپسىرما بەردى.

ءبىرىنشى جۇمىس كۇنىنىڭ سوڭىندا پرەمەر-ءمينيسترىنىڭ ورىنباسارى «SmArt Point» كوۆوركينگ ورتالىعىنىڭ الاڭىندا جاستارمەن كەزدەستى. كەزدەسۋدە ەڭبەك جانە حالىقتى الەۋمەتتىك قورعاۋ، اقپارات جانە قوعامدىق دامۋ، ءبىلىم جانە عىلىم، دەنساۋلىق ساقتاۋ مينيسترلەرى، الماتى قالاسىنىڭ اكىمى، قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى، سپورت جانە دەنە شىنىقتىرۋ كوميتەتتەرىنىڭ توراعالارى ءسوز سويلەدى.

شارانى اشا وتىرىپ، گۇلشارا ابدىقالىقوۆا قازاقستان ساباقتاستىق، ادىلدىك جانە پروگرەسس پرينتسيپتەرىنە سۇيەنە وتىرىپ، قارىشتاپ دامۋىن جالعاستىرىپ كەلە جاتقانىن اتاپ ءوتتى. وسى پروتسەستەردە جاستار شەشۋشى ءرولدىڭ ءبىرىن اتقارۋى ءتيىس.

بۇگىندە قالامىزدا 684 مىڭنان استام جاس ازامات بار، ولاردىڭ 218 مىڭنان استامى جوعارى وقۋ ورىندارىنىڭ ستۋدەنتتەرى. «جاستاردى دامىتۋ مەن قولداۋدىڭ 2017-2020 جىلدارعا ارنالعان جول كارتاسى» ىسكە اسىرىلىپ جاتىر. 20 مىڭنان استام ادام جۇمىسقا ورنالاستىرىلدى. «الماتى جاستارى» جەڭىلدىكتى تۇرعىن ءۇي باعدارلاماسى بويىنشا جاس وتباسىلار ءۇشىن 238 تۇرعىن ءۇي زاەمى بەرىلدى. ءبىلىم بەرۋ گرانتتارىنىڭ سانى 1،5 ەسە كوبەيىپ، 28 مىڭدى قۇرادى.

كەزدەسۋدە «Inno Track» جشس-نىڭ باس ديرەكتورى دارحان قىزايباەۆتىڭ سوزىنە ەرەكشە نازار اۋدارىلدى. ونىڭ كاسىپورنى «Vollert» نەمىس تەحنولوگياسى بويىنشا تەمىر-بەتوندى شپالدار شىعارادى. زاۋىتتىڭ جىلدىق قۋاتتىلىعى – 500 مىڭ شپال، 100 ادام جۇمىس ىستەيدى. ول تالاپتى جاستار ءۇشىن «مۇمكىندىكتەر ەسىگىن» اشاتىن زاماناۋي يندۋستريالدى ساياسات ءۇشىن مەملەكەتكە العىسىن ءبىلدىردى.

سونداي-اق «Youth Art» جاس سۋرەتشىلەر ۇيىمىنىڭ باسشىسى كريستينا بەكمۋرزاەۆانىڭ قۇتتىقتاۋ ءسوزى قىزىعۋشىلىقپەن تىڭدالدى. ولار «ادامدارعا ارنالعان قالا» تۇجىرىمداماسىن ىسكە اسىرۋعا بەلسەنە قاتىسىپ، 10 جوعارى دەڭگەيدەگى شاعىن ساۋلەتتىك ءپىشىندى ورناتتى.

كەزدەسۋ قورىتىندىسى بويىنشا پرەمەر-ءمينيستردىڭ ورىنباسارى گ. ابدىقالىقوۆا مەملەكەتتىك ورگانداردىڭ باسشىلارىنا بىرقاتار ناقتى تاپسىرمالار بەردى.

الماتى قالاسىنداعى جۇمىس ساپارى جالعاسادى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار