اشىلۋ سالتاناتىندا ءسوز سويلەگەن ەكوەۋرازيا توراعاسى حيكمەت ەرەن ەكى ەل اراسىنداعى باۋىرلاستىق, ستراتەگيالىق ارىپتەستىك قارىم-قاتىناستاردى اتاپ ءوتتى. سونداي-اق, قازاقستاننىڭ ورتا ازياداعى ەڭ بەلسەندى جانە دامىعان ەل ەكەنىنە توقتالا وتىرىپ, ەلىمىز تۋرالى جالپى اقپارات بەردى.
قازاقستان مەن تۇركيانىڭ ورتاق تاريحى مەن مادەنيەتىنە نازار اۋدارعان MİSİAD توراعاسى فەريدۋن وندجەل, قاۋىمداستىق ىسكەر مۇشەلەرىنىڭ قازاقستانمەن ساۋدا جانە ينۆەستيتسيالىق مۇمكىندىكتەرىن ارتتىرۋعا قىزىعاتىنىن مالىمدەدى.
تۇركيا ساۋدا مينيسترلىگى حالىقارالىق كەلىسسوزدەر دەپارتامەنتى ديرەكتورى ورىنباسارى اتيللا باستىرمادجى ءوز كەزەگىندە قازاقستان مەن تۇركيا اراسىنداعى ساۋدا-ەكونوميكالىق قارىم-قاتىناستار تۋرالى ەگجەي-تەگجەيلى بايانداپ بەردى. اتاپ ايتقاندا, ەكىجاقتى ساۋدا اينالىمى 3 ملرد. دوللارعا جەتكەندىگىنە نازار اۋدارا وتىرىپ, تۇركيا قازاقستان ەكسپورتىندا 12-ءشى, يمپورتىندا بولسا 9-شى ورىندا ەكەندىگىنە توقتالدى.
قازاقستان-تۇركيا ىنتىماقتاستىعىنىڭ تاۋەلسىزدىك العان جىلدان بەرى ءتۇرلى سالادا نىعايا تۇسكەندىگىن اتاپ وتكەن ەلشى ا.ساپاربەك ۇلى «تۇرىك كاسىپكەرلەرى ءۇشىن قازاقستاندا ينۆەستيتسيالىق مۇمكىندىكتەر» اتتى بايانداما جاسادى.
قازاقستاننىڭ ينۆەستيتسيالىق تارتىمدىلىعىنا باسا نازار اۋدارعان ەلشى ا.ساپاربەك ۇلى بايانداماسىندا قازاقستاننىڭ گەوگرافيالىق, دەموگرافيالىق, ساياسي جانە ەكونوميكالىق جاعدايىنا توقتالدى. ەلىمىزدىڭ ينۆەستورلارعا ارنالعان جەڭىلدىكتەرى, لوگيستيكالىق مۇمكىندىكتەرى, ادامي كاپيتال, تابيعي بايلىقتار, تومەن ءوندىرىس شىعىندارى سەكىلدى ينۆەستيتسيالىق تارتىمدىلىقتارى تۋرالى تولىققاندى اقپارات بەرگەن ەلشى, قازاقستانداعى بىرقاتار ينۆەستيتسيالىق جوبالار تۋرالى ءسوز قوزعادى. سونداي-اق, الەۋەتتى ينۆەستورلاعا ءتۇرلى قىزمەت كورسەتەتىن استانا حالىقارالىق قارجى ورتالىعى, Kazakh Invest جانە Kazakh Export تۋرالى مالىمەت بەردى. ەلىمىزدەگى سوڭعى ساياسي وزگەرىستەردى اتاپ وتكەن ەلشى ا.ساپاربەك ۇلى قازاقستان تاۋەلسىزدىك جىلدارىنان تۇڭعىش پرەزيدەنتى - ەلباسى ن.ءا.نازارباەۆتىڭ كوشباسشىلىعىنداعى ساياسي-ەكونوميكالىق تۇراقتىلىقتى قامتاماسىز ەتىپ وتىرعانىن جانە بۇل ءوز كەزەگىندە شەتەلدىك ينۆەستورلاردىڭ سەنىمىنە يە بولىپ وتىرعاندىعىنىڭ استىن سىزىپ ءوتتى.
سونىمەن قاتار ەلشى ا.ساپاربكە ۇلى ازىق-ت ۇلىك, مال شارۋاشىلىعى, حيميا, جەڭىل جانە قۇرىلىس ونەركاسىبى, IT سەكتورى, تاۋ-كەن سالاسىندا ىشكى جانە ەكسپورتتىق مۇمكىندىكتەر تۋرالى ستاتيستيكالىق اقپاراتتارمەن ءبولىستى.
