رەسپۋبليكالىق جارىسقا نۇر-سۇلتان, الماتى, شىمكەنت قالالارى مەن وبلىستاردا 19-ساۋىرگە دەيىن وتكەن قۇران بايقاۋىنىڭ ىرىكتەۋ سايىستارىندا توپ جارعان 69 قاريىمىز قاتىستىرىلادى.
ولار قۇران كارىمدى تولىق, 20 پاراسىن, 10 پاراسىن جاتقا وقۋ جانە مانەرلەپ وقۋ سەكىلدى 4 نوميناتسيا بويىنشا ءوزارا باق سىنايدى.
جارىستا جاسى 30-دان اسپاعان, قر ەر ازاماتى بولعان قاريلاردىڭ قۇراندى جاتقا ايتۋى مەن تاجۋيدپەن (قاعيدالارىمەن) كوركەم وقۋىنا باسا ءمان بەرىلەدى.
26-27 ءساۋىر كۇندەرى الماتى قالاسى ورتالىق مەشىتىندە قۇران بايقاۋىندا سىناقتان سۇرىنبەي, ءوزىن جاقسى قىرىنان كورسەتكەن, ءسويتىپ جۇلدەلى ورىندارعا يە بولعان جەڭىمپاز قاريلارىمىزعا 28-ءساۋىر كۇنى ساعات 10:00-دە الاتاۋ ءداستۇرلى ونەر تەاترىنىدا وتەتىن ماراپاتتاۋ كەشىندە اۆتوكولىكپەن قارجىلاي سىيلىقتار تابىستالىپ, ارنايى سەرتيفيكاتتار بەرىلەدى.
الماتى
