ال ودان كەيىن ءبىز جاڭا پرەزيدەنتتى سايلاۋ كۇنىن بەلگىلەدىك. وسىنىڭ ءبارى كەزەڭ-كەزەڭمەن, ءوركەنيەتتى جولمەن وتكىزىلىپ كەلەدى. Nur Otan پارتياسىنىڭ بۇگىنگى سەزىندە ساياسي ۇيىم ءوزىنىڭ لايىقتى كانديداتىن ۇسىنىپ وتىر. پارتيا توراعاسى, ەلباسى نۇرسۇلتان نازارباەۆ ول كانديداتتىڭ ەسىمىن اتادى. سونىمەن بىرگە ونىڭ ءبۇگىنگى تاڭداعى مەملەكەت باسشىسى بولۋعا ءبىردەن-ءبىر لايىقتى تۇلعا ەكەنى ايتىلدى. بارلىق قىزمەتىمەن, ءىس-ارەكەتتەرىمەن قاسىم-جومارت كەمەل ۇلى توقاەۆ قازاقستاننىڭ ىرگەسى ءبۇتىن, ءتورت اياعىن تەڭ باسقان بەدەلدى, بولاشاعى كەمەل مەملەكەت بولۋى جولىندا ايانباي, بىلگىرلىكپەن ەڭبەك ەتىپ كەلەدى. ونى قازاقستان حالقى دۇنيەجۇزىلىك ارەناداعى تانىمال ساياساتكەر رەتىندە دە جاقسى بىلەدى.
قۋانىش سۇلتانوۆ,
مەملەكەت جانە قوعام قايراتكەرى, ءماجىلىس دەپۋتاتى:
