23 ءساۋىر، 2019

ستۋدەنتتەردىڭ جۇمىس تابۋىنا جاردەمدەسەدى

871 رەت كورسەتىلدى

ءبىز ماماندارعا دەگەن سۇرانىستى ۇنەمى زەرتتەپ، وقۋ ۇدەرىسىنە وزگەرىستەر ەنگىزەمىز.

سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە قازاقستانداعى شەتەلدىك ينۆەستورلار كەڭەسى جۇمىس توبىنىڭ، اتالعان وقۋ ورنىنىڭ ماركەتينگ، مانساپ جانە جۇمىسقا ورنالاستىرۋ ورتالىعى وكىلدەرىنىڭ جانە قمەبي (كيمەپ)  ۋنيۆەرسيتەتىنىڭ مانساپ ورتالىعى باسشىلىعىنىڭ مانساپ جانە جۇمىسقا ورنالاستىرۋ ورتالىقتارىن قولداۋ باعدارلاماسىنا ارنالعان ءباسپاسوز-كونفەرەنتسياسى ءوتتى.

شقمۋ-دىڭ ستراتەگيالىق دامۋ جانە عىلىمي جۇمىس جونىندەگى پرورەكتورى يرينا روۆنياكوۆانىڭ ايتۋىنشا، ماركەتينگ، مانساپ جانە جۇمىسقا ورنالاستىرۋ ورتالىعى تۇلەكتەرمەن كەزدەسۋلەر وتكىزىپ، ولارعا قىزمەتكە تۇرۋ تۋرالى ءتۇسىندىرۋ جۇمىستارىن جۇرگىزەدى. «ءبىز ماماندارعا دەگەن سۇرانىستى ۇنەمى زەرتتەپ، وقۋ ۇدەرىسىنە وزگەرىستەر ەنگىزەمىز. 2018-2019 وقۋ جىلى امانجولوۆ اتىنداعى ۋنيۆەرسيتەتتە وبلىس كاسىپورىندارى تالاپ ەتەتىن قايتا وڭدەۋ ءوندىرىسىنىڭ تەحنولوگياسى، ماتەريالتانۋ جانە جاڭا ماتەريالدار تەحنولوگياسى، تىرشىلىك قاۋىپسىزدىگى جانە قورشاعان ورتانى قورعاۋ، اقپاراتتىق جۇيەلەر سياقتى باعىتتار بويىنشا جاڭا ماماندىقتار اشىلدى، ءوڭىر اتالمىش سالاداعى ماماندارمەن تولىقپاق»، - دەيدى ول.

ماركەتينگ، مانساپ جانە جۇمىسقا ورنالاستىرۋ ورتالىعىنىڭ جەتەكشىسى الميرا ساقتاەۆا سوڭعى جىلدارى شقمۋ تۇلەكتەرىنىڭ جۇمىسقا ورنالاسۋى كوڭىل كونشىتەتىنىن جەتكىزدى. «جىل سايىنعى مونيتورينگ ناتيجەلەرىنىڭ كورسەتكىشى 94-97% قۇرايدى. بۇل – جوعارى وقۋ ورنى اتقارعان جۇمىستىڭ تيىمدىلىگىنەن حابار بەرەتىن ماڭىزدى كورسەتكىشتەرىنىڭ ءبىرى»، - دەيدى ول.

قازاقستان تاريحىندا جوعارى وقۋ ورنى جانىنداعى العاشقى مانساپتىق ورتالىق 1995 جىلى قمەبي-دە (كيمەپ) قۇرىلىپتى. قمەبي مانساپ جانە جۇمىسقا ورنالاستىرۋ قىزمەتىنىڭ ديرەكتورى مەرۋەرت ادايبەكوۆا ورتالىقتىڭ 24 جىلدىق جۇمىس تاجىريبەسىمەن ءبولىسىپ، وسكەمەندەگى ارىپتەستەرىنىڭ جۇمىسىن جوعارى باعالادى. «جۇمىس بەرۋشىگە ەڭ العىر، كەلەشەگىنەن كوپ ءۇمىت كۇتتىرەتىن لايىقتى ماماندار قاجەت، ولارعا كومپانيالار ءوز قاراجاتىن ينۆەستيتسيالاۋعا اركەز دايىن. شقمۋ ورتالىعى جۇمىسىنىڭ ارقاسىندا جوعارى وقۋ ورنى ستۋدەنتتى اكادەميالىق بىلىمگە نازار اۋدارۋعا عانا ەمەس، جۇمىس بەرۋشىنى تاني جانە تابا بىلۋگە باۋليدى»، - دەيدى.  

وسكەمەن

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

ۇقساس جاڭالىقتار