«نۇرسۇلتان نازارباەۆ «Nur Otan» پارتياسىنىڭ توراعاسى رەتىندە رەسپۋبليكا ازاماتتارىنىڭ ەكونوميكالىق ءال-اۋقاتىن جاقسارتۋعا, ەلىمىزدەگى بەيبىتشىلىك پەن تۇراقتىلىقتى ساقتاۋعا باعىتتالعان باعدارلامالاردى جۇزەگە اسىرۋدىڭ كەپىلى بولىپ قالا بەرەدى. «Nur Otan» پارتياسىنىڭ قر پرەزيدەنتى سايلاۋىنا ۇسىنىلعان كانديداتتى تولىق قولدايمىز. ءبىز ەلباسىنىڭ ستراتەگياسىن جالعاستىراتىنىنا جانە تاۋەلسىز قازاقستاننىڭ تۇراقتىلىعىن قامتاماسىز ەتۋگە جانە ودان ءارى دامۋىنا باعىتتالعان ستراتەگيالىق باعدارلامالاردى ءتيىمدى جانە تولىق جۇزەگە اسىرۋ ءۇشىن بارلىق كۇش-جىگەرىمىزدى جۇمسايتىنىنا نىق سەنىمدىمىز», دەدى 200-گە جۋىق ادام قاتىسقان جيىندا مەديتسينا قىزمەتكەرلەرى.
سونىمەن قاتار, جيىنعا قاتىسۋشىلار قازاقستاننىڭ بۇگىنگى جەتىستىگى ەلىمىزدىڭ تۇڭعىش پرەزيدەنتى – ۇلت كوشباسشىسىنىڭ ەسىمىمەن تىعىز بايلانىستى ەكەنىن اتاپ ءوتتى.
«تاۋەلسىزدىك جىلدارى قازاقستان الەۋمەتتىك-ەكونوميكالىق وزگەرىستەردى وتكىزۋدە, دەنساۋلىق ساقتاۋ, ءبىلىم, عىلىم مەن مادەنيەتتى دامىتۋدا زور تابىستارعا قول جەتكىزدى. ءبىزدىڭ ازاماتتارىمىزدىڭ ءال-اۋقاتىن جاقسارتۋعا باعىتتالعان مەملەكەت ساياساتىنىڭ رەتتىلىگى ادام قىزمەتىنىڭ بارلىق سالالارىندا ءوز كورىنىسىن تابادى. ەكونوميكا قارقىندى دامۋدا», دەلىنگەن ۇندەۋ حاتتا.
