نۇر-سۇلتان قالاسىندا 31 مامىردان 2 ماۋسىمعا دەيىن كوميكستەر يندۋسترياسى جانە ولارعا نەگىزدەلگەن تانىمال ونەرگە ارنالعان فەستيۆالدىك برەندتەردىڭ ءبىرى - كازاقستان جانە ورتالىق ازياداعى العاشقى حالىقارالىق Comic Con - 2019 فەستيۆال-كورمەسى وتەدى.
1974 جىلى اقش-تا پايدا بولعان Comic Con جوباسى بارلىق كوميكستى ۇناتاتىندار, كينوماندار, ۆيدەوويىندار, مۋلتفيلمدەر جانە سەريالداردىڭ جانكۇيەرلەرى اراسىندا كەڭىنەن تانىمال. بۇل فەستيۆال – ءىرى كوميكستەر الەمى اۆتورلارىنىڭ ءوز اۋدوترياسىمەن كەزدەسەتىن ءداستۇرلى الاڭى.
«گيك الەمىنىڭ» جارقىن وقيعالارىنىڭ ءبىرى بالالاردى قورعاۋ كۇنىنە ورايلاستىرىلعان. ال قازاقستانداعى فەستيۆالدى نۇر-سۇلتان قالاسىنىڭ اكىمدىگى, Astana Convention Bureau ۇيىمداستىرماق.
ءار الۋان جانە جارقىن فەستيۆال باعدارلاماسى قۇقىق يەلەرىمەن كەلىسىلگەن. شارا بارىسىندا كەزدەسۋلەر, پرەمەرالار جانە ارنايى كورسەتىلىمدەر, كوسپلەيلار جانە جاڭالىقتار مەن حالىقارالىق ستۋديالار مەن كومپانيا ونىمدەرىنىڭ رەسمي تانىستىرىلىمى وتەدى دەپ كۇتىلۋدە.
حالىقارالىق ستۋديالاردىڭ اراسىندا Marvel, HBO, Nickelodeon, Cartoon Network, Sony Pictures Television, Wargaming بار. فەستيۆالدى وتكىزۋ ءۇشىن «زياتكەرلىك مەنشىكتىڭ ۇلتتىق ينستيتۋتى» رمك حالىقارالىق پاتەنتتىك بيۋروسىندا Comic Con ساۋدا ماركاسى رەسمي تۇردە تىركەلدى.
نۇر-سۇلتان قالاسىنداعى Comic Con-عا قازاقستاندىقتار جانە تاياۋ جانە الىس شەت ەلدەردى قوسا العاندا 70 000 قوناق قاتىسادى دەپ كۇتىلۋدە. شارانىڭ قاتىسۋشىلارى كوميكستار الەمىندەگى وسى جىلدىڭ باستى پرەمەرالارىن كورۋ, سۋپەر قاھارماندار كوستيۋمدەرىن كيۋ, سۇيىكتى ارتىستەرىمەن سۋرەتكە ءتۇسۋ مۇمكىندىگىن الادى.
فەستيۆالگە بارلىق تانىمال جەرگىلىكتى جانە شەتەلدىك كوميكستەردىڭ اۆتورلارى, باسپالار, كينوستۋديالار, كومپيۋتەرلىك جانە ۇستەل ويىندارىن قۇراستىرۋشىلار, تانىمال انيمە مەن مانگا اۆتورلارى قاتىسپاق.
«سۋرەتشى-يلليۋستراتورلار, ستسەناريستەر جانە كوميكستەر اۆتورلارى, باسپالار جانە كوسپلەيگە قىزۋعۋشىلار كونكۋرستىق نەگىزدە ءوز جۇمىستارىن فەستيۆال ستەندىندە كورسەتە الادى.
مۋلتي الەمنىڭ قاھارمانى بولۋ ءۇشىن, كىشىگىرىم تاپسىرمانى ورىنداۋ كەرەك. قاتىسۋعا نيەت بىلدىرگەندەر پورتفوليونى تولتىرىپ, ىقتيمال قاتىسۋشى كوميكستەر الەمىندە قانداي قاھارمان بولاتىنىن جازىپ حات جىبەرۋى شارت» – دەپ مالىمدەدى Astana Convention Bureau-دا.
