«ءبىز كوماندالىق جارىسقا دايىندالدىق. كوماندا ساپىندا ازيانىڭ ۇزدىكتەرى جينالعان. جىگىتتەر جارىس جولىن ءبىر دەممەن ءجۇرىپ ءوتتى. بۇرىلىس كەزىندە ءبىزدىڭ ناتيجەنىڭ جاقسى ەكەنىن بىلدىك. تاپ وسىنداي كورسەتكىش ءۇشىن كەلگەنبىز», - دەيدى بازاەۆ.
ال كوماندانىڭ جەڭىسىنە ۇلەس قوسقان ۆەلوشاباندوز ارتەم زاحاروۆ كوماندانىڭ دايىندىعى جوعارى بولعانىن جەتكىزدى.
«بارلىعى دا ءساتتى ءوتتى. اۋا رايىنىڭ دا كومەگى كوپ. ال جارىس جولى ايتارلىقتاي قيىن بولعان جوق. تەك جەل عانا ءسال اسەرىن تيگىزگەن شىعار. قازىرگى كوڭىل-كۇيىمىز كەرەمەت. كوماندا تولىعىمەن دايىن بولدى. جەكە مەن ءۇشىن تاشكەنتتەگى ازيا چەمپيوناتى اياقتالدى. تىعىز كەستەگە بايلانىستى ەندى ترەكتەن وتەتىن ەكى جارىسقا دايىندالامىن», - دەيدى زاحاروۆ.
ايتا كەتەلىك, قازاقستان كومانداسى ساپىندا يۋري ناتاروۆ, جاندوس بيجىگىتوۆ, دميتري گرۋزدەۆ, ارتەم زاحاروۆ, ەۆگەني گيديچ جانە دانيل فومينىح ازيا چەمپيونى اتاندى.
ال قىزدار كومانداسىنىڭ ەنشىسىندە كۇمىس مەدال بار.
