قازاقستان • 23 ءساۋىر، 2019

مەملەكەتتى باسقارۋعا باسشىلاردىڭ جاڭا بۋىنى كەلەتىن زامان تۋدى – ن. نازارباەۆ

768 رەت كورسەتىلدى

بۇل تۋرالى قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆ Nur Otan پارتياسىنىڭ كەزەكتەن تىس XIX سەزىندە ايتتى.

«جاقىندا ءبىز پارتيامىزدىڭ حVIII سەزىندە مەملەكەتكە، ەلگە قاجەت بارلىق ماسەلەلەردى كەڭىنەن تالقىلاپ، پارتيانىڭ الداعى جۇمىسىن انىقتادىق. سونداي-اق ستراتەگيالىق باعدارلاماسىن بەكىتتىك. اتقارعان  جۇمىستارىمىزعا، جەتىستىكتەرىمىزگە بىرگە باعا بەردىك. ال بۇگىن قازاقستان پرەزيدەنتىنىڭ الداعى سايلاۋىنا ءوز كانديداتىمىزدى ۇسىنۋ ءۇشىن باس قوسىپ وتىرمىز»، دەدى ەلباسى. 

تۇڭعىش پرەزيدەنت بۇل قازاقستاننىڭ ساياسي ومىرىندەگى وتە ماڭىزدى ماسەلە ەكەندىگىن باسا ايتتى. 

«قازاقستان جاڭا كەزەڭگە قادام باسىپ وتىر.  بيىلعى 19 ناۋرىزدا وزدەرىڭىز بىلەسىزدەر، مەن پرەزيدەنتتىك وكىلەتتىگىمدى توقتاتتىم. ەلىمىزدىڭ جارقىن بولاشاعى ءۇشىن وسىنداي وڭاي  ەمەس شەشىم قابىلدادىم، ويلانىپ-تولعانىپ شەشىلگەن ماسەلە بولدى. مەملەكەتتى باسقارۋعا باسشىلاردىڭ جاڭا بۋىنى كەلەتىن زامان بولدى. ۋاقىت سولاي، ءومىر سولاي. ولار تاۋەلسىز قازاقستاننىڭ ابىرويىن ارتتىرىپ، بەدەلىن بيىكتەتە تۇسەدى دەپ سەنەمىن. ءبىزدىڭ بۋىنىمىز سولارعا كومەك كورسەتىپ، جان-جاقتى قولداپ، جاعداي جاساۋىمىز قاجەت»، دەدى نۇرسۇلتان نازارباەۆ.

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار