ءۇش بويى ەلباسىنىڭ «بولاشاققا باعدار: قوعامدىق سانانى جاڭعىرتۋ» باعدارلامالىق ماقالاسى اياسىندا قازاق تاريحى مەن مادەنيەتى جايلى سۇبەلى ءسوز قوزعالاتىن كونفەرەنتسياعا فرانتسيا, ارمەنيا, قىرعىزستان, پولشا سياقتى بىرقاتار ەلدەن عالىمدار كەلدى. حالىقارالىق شارانى ەلىمىزدىڭ مادەنيەت جانە سپورت مينيسترلىگىنىڭ قولداۋىمەن «رۋحاني جاڭعىرۋ» ورتالىق جوبالىق كەڭسەسى جانە الماتى وبلىسىنىڭ ىشكى ساياسات باسقارماسى ۇيىمداستىرىپ وتىر.
- بۇل كونفەرەنتسيا بارىسىندا جاھاندىق الەمدەگى مادەني, كوركەم, ادەبي, ورىنداۋشىلىق ونەردىڭ ۇزدىك ۇلگىلەرىن تانىمال ەتۋدىڭ جانە ورتالىق جانە جەرگىلىكتى دەڭگەيدە مادەني-دەمالىس سالاسىن ۇيىمداستىرۋدىڭ نەگىزگى تەندەنتسيالارى مەن ۇزدىك الەمدىك تاجىريبەلەرىن تالقىلايدى, دەدى بۇگىن شارانىڭ اشىلۋىنا قاتىسىپ, ءسوز سويلەگەن وبلىس اكىمىنىڭ ءبىرىنشى ورىنباسارى ءلاززات تۇرلاشوۆ.
كونفەرەنتسيا جۇمىسىنا سوربونن ۋنيۆەرسيتەتىنىڭ پروفەسسورى, حالىقارالىق عىلىم جانە ونەر ينستيتۋتىنىڭ ديرەكتورى, «Plastik Art & Science» سوربونن باسپا باعدارلاماسىنىڭ ديرەكتورى ولگا كيسسەلەۆا, اكتەر, حالىقارالىق «HIGHFEST» ونەر فەستيۆالىنىڭ پرەزيدەنتى, مەتروپوليتان لوندون ۋنيۆەرسيتەتىنىڭ پروفەسسورى, دوكتور ارتۋر گۋكاسيان قازاقستان مەن قىرعىزستانداعى مادەنيەت جانە ىنتىماقتاستىق ماسەلەلەرى بويىنشا فرانتسيا ەلشىلىگىنىڭ كەڭەسشىسى گيوم كاسپەرسكي, بەلورۋس مەملەكەتتىك مادەنيەت جانە ونەر ۋنيۆەرسيتەتىنىڭ پسيحولوگيا جانە پەداگوگيكا كافەدراسىنىڭ مەڭگەرۋشىسى, پەداگوگيكا عىلىمدارىنىڭ دوكتورى, گەرمانياداعى ماگو ءبىلىم بەرۋدى ىزگىلەندىرۋ حالىقارالىق اكادەمياسىنىڭ تولىق مۇشەسى يرينا مالاحوۆا, دراماتۋرگ, تەاتر سىنشىسى, «Thaetr - Dialogue» فەستيۆالىنىڭ ارت - ديرەكتورى, «Nova Scena» كلاستەرىنىڭ نەگىزىن قالاۋشى توماش كيرەنچۋك سپيكەرلىك ەتپەكشى. سونداي-اق, قاتىسۋشىلار اراسىندا ەلىمىزدىڭ قوعامدىق جانە عىلىمي-زەرتتەۋ ۇيىمدارىنىڭ, شىعارماشىلىق جانە عىلىمي ينتەلليگەنتسيانىڭ وكىلدەرى, پرەزيدەنت اكىمشىلىگىنىڭ, مينيسترلىكتەردىڭ, «رۋحاني جاڭعىرۋ» جوبالاۋ كەڭسەلەرىنىڭ جاۋاپتى قىزمەتكەرلەرى قاتىسۋدا.
