كەلىسىمگە 2017 جىلعى 9 قاراشادا چەليابينسك قالاسىندا قول قويىلعان بولاتىن جانە ول م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالىنىڭ جۇمىس ىستەۋ شارتتارىن بەكىتەدى.
زاڭ جوباسىن قابىلداۋ رەسەي فەدەراتسياسى ءبىلىم مينيسترلىگى مەن قازاقستان رەسپۋبليكاسى ءبىلىم جانە عىلىم مينيسترلىگىنىڭ فيليالدى قۇرۋ جانە ونىڭ جۇمىس ىستەۋى تۋرالى كەلىسىلگەن شەشىم شارتتارىنىڭ جانە قازاقستان تاراپىنىڭ قازاقستاندا فيليالدىڭ ءبىلىم بەرۋ قىزمەتى ءۇشىن جاعدايلاردى قامتاماسىز ەتۋ سالاسىنداعى وزىنە العان مىندەتتەمەلەرىنىڭ ورىندالۋى ءۇشىن قۇقىقتىق نەگىز جاسايدى.
فيليال وتەۋسىز پايدالانۋعا بەرىلگەن ەۋرازيا ۋنيۆەرسيتەتىنىڭ م ۇلىكتىك بازاسىندا جۇمىس ىستەيدى, م ۇلىك الىپ قويۋعا جانە ءۇشىنشى تۇلعالارعا بەرۋگە جاتپايدى.
كەلىسىمدە مىنالار كوزدەلەدى:
- فيليالدا قازاقستان تاريحى مەن قازاق ءتىلى مىندەتتى تۇردە وقىتىلىپ, دايارلىقتىڭ «ماتەماتيكا», «قولدانبالى ماتەماتيكا جانە اقپاراتتانۋ», «فيلولوگيا», «ەكولوگيا جانە تابيعاتتى پايدالانۋ», «ەكونوميكا» باعىتتارى بويىنشا وقىتۋ;
- فيليالدا وقىتۋ كۇندىزگى جانە كۇندىزگى-سىرتتاي وقىتۋ نىساندارى بويىنشا جۇزەگە اسىرىلادى جانە ورىس تىلىندە جۇرگىزىلەدى;
- قازاقستان رەسپۋبليكاسىنىڭ مەملەكەتتىك ءبىلىم بەرۋ تاپسىرىسىنىڭ نەگىزىندە فيليالدا وقۋدى تامامداعان ماسكەۋ ۋنيۆەرسيتەتىنىڭ تۇلەكتەرى قازاقستان رەسپۋبليكاسىنىڭ زاڭناماسىنا سايكەس جۇمىس ىستەپ وتەۋى مىندەتتى;
- فيليالدىڭ ءبىلىم بەرۋ جانە قارجىلىق-شارۋاشىلىق قىزمەتىنە كەلىسىمنىڭ ماقساتتارى مەن مىندەتتەرىن ىسكە اسىرۋ جانە قازاقستان تاراپىنا بەكىتىلىپ بەرىلگەن م ۇلىكتى فيليالدىڭ پايدالانۋى تۇرعىسىنان بىرلەسكەن تەكسەرۋدى جۇزەگە اسىرۋ ءۇشىن ۆەدومستۆوارالىق كوميسسيا قۇرۋ;
- فيليالدىڭ قىزمەتىن قارجىلاندىرۋ قازاقستان رەسپۋبليكاسىنىڭ رەسپۋبليكالىق بيۋدجەتىنەن مەملەكەتتىك ءبىلىم بەرۋ تاپسىرىسى اياسىندا جوعارى جانە جوعارى وقۋ ورنىنان كەيىنگى ءبىلىمى بار ماماندار دايارلاۋعا بولىنگەن قاراجات ەسەبىنەن, سونداي-اق قازاقستان رەسپۋبليكاسىنىڭ زاڭناماسىندا تىيىم سالىنباعان وزگە دە كوزدەر ەسەبىنەن جۇزەگە اسىرىلادى;
- قازاقستان رەسپۋبليكاسىنىڭ زاڭناماسىندا كوزدەلگەن تالاپتارعا سايكەس قازاقستان تاراپىنىڭ قاراجاتى ەسەبىنەن جۇزەگە اسىرىلاتىن قىزمەتتى جۇرگىزۋ ءۇشىن فيليالدى ماتەريالدىق-تەحنيكالىق بازامەن قامتاماسىز ەتۋ.
زاڭ جوباسى پالاتانىڭ قاراۋىنا جىبەرىلدى.
