«اتا-انام ارمانىمنىڭ ورىندالۋىنا كوپ اتسالىستى. اللانىڭ قالاۋىمەن ارمانىم جۇزەگە استى! قايرات سوۆەتاي ۇلى وسى ساپارعا دەمەۋشىلىك كورسەتكەنى ءۇشىن العىس ايتامىز», دەلىنگەن ءاليدىڭ ينستاگرام جەلىسىندەگى پاراقشاسىندا.
ءالي ءۇشىن ءوزىنىڭ سۇيىكتى كومانداسىمەن حات الماسۋ العاشىندا قيىن بولعان. بارسەلوناعا باراتىن ۇشاق بيلەتى مەن وندا تۇراقتايتىن ءۇيدىڭ جوقتىعى قاراپايىم وتباسى ءۇشىن قىمباتقا تۇسكەن. كەيىنىرەك «قايرات» فۋتبول كلۋبى باقىلاۋ كەڭەسىنىڭ توراعاسى قايرات سوۆەتاي ۇلى اليگە شاقىرتۋ كەلگەنى جايىندا ايتادى. بۇدان سوڭ, ول ۇشۋ بيلەتى مەن بارسەلونادا تۇرۋ اقىسىن تولەپ بەرەدى.
«مەسسي ءاليدى قۇشاقتاپ, ونى وتە جىلى قارسى الدى. الەمدىك دەڭگەيدەگى جۇلدىزدىڭ قاراپايىمدىلىعىنا ريزا بولدىق», دەلىنگەن ءاليدىڭ ينستاگرام جەلىسىندەگى پاراقشاسىندا.
كەزدەسۋ بارىسىندا ءالي كۋميرىمەن سۋرەتكە ءتۇسىپ, وعان قازاقستاندىق شوكولاد سىيلادى.
