بۇل تۋرالى وبلىستىق ءماسليحاتتىڭ كەزەكتەن تىس ءححىح سەسسياسىندا قىزىلوردا وبلىسىنىڭ اكىمى ق.كوشەرباەۆ اعىمداعى جىلدىڭ ءبىرىنشى توقساننىڭ قورىتىندى مالىمدەمەسىندە ايتتى.
- وزدەرىڭىزگە بەلگىلى, ايماق ءۇشىن ماڭىزدى ماسەلەنىڭ ءبىرى - اعىمداعى جىلدىڭ اقپان ايىندا ءبىزدىڭ باستامامىزبەن قاۋىپسىزدىك كەڭەسى وتىرىسىندا قىزىلوردا وبلىسىنىڭ وزەكتى ماسەلەلەرى تالقىلاندى. قاۋىپسىزدىك كەڭەسىنىڭ توراعاسى ەلباسى ن.ءا. نازارباەۆتىڭ تاپسىرماسىمەن ءبىز 2019-2022 جىلدارعا ارنالعان قىزىلوردا وبلىسىنىڭ الەۋمەتتىك-ەكونوميكالىق دامۋىنىڭ كەشەندى جوسپارىن ازىرلەپ, سالالىق مينيسترلىكتەرمەن كەلىسۋدەمىز, سونان سوڭ قازاقستان رەسپۋبليكاسى ۇكىمەتىنىڭ قاۋلىسىمەن بەكىتىلەتىن بولادى. ايتا كەتۋ كەرەك, ءدال مۇنداي كەشەندى جوسپار تەك نۇر-سۇلتان قالاسىندا, سولتۇستىك قازاقستان جانە تۇركىستان وبلىستارىندا عانا بار. ال, ءتورتىنشى جوسپار قىزىلوردا وبلىسى بويىنشا بەكىتىلەتىن بولادى,-دەدى ول.
ءۇش ايدىڭ قورىتىندىسى بويىنشا قىزىلوردا وبلىسى مۇناي ءوندىرۋ كولەمىن, تيىسىنشە ونەركاسىپتىك ءوندىرىس كولەمىن قوسپاعاندا, الەۋمەتتىك-ەكونوميكالىق دامۋدىڭ بارلىق نەگىزگى كورسەتكىشتەرى بويىنشا كوشباسشىلار قاتارىنان كورىنىپ كەلەدى.
جيىندا ايماقتى دامىتۋدىڭ الداعى جوسپارلارىن بەلگىلەندى. بيىل قازاقستانداعى العاشقى تاباق شىنى ءوندىرىسى ىسكە قوسىلادى. شالقيا قورعاسىن-مىرىش كەن ورنىندا تاۋ-كەن بايىتۋ كومبيناتىن, كالتسيلەندىرىلگەن سودا شىعارۋ زاۋىتىن جانە باسقا دا پەرسپەكتيۆالى ەكسپورتقا باعدارلانعان وندىرىستەردى سالۋ بويىنشا جۇمىس جالعاسىپ جاتىر. جىل سوڭىنا دەيىن اگروونەركاسىپتىك كەشەن سالاسىندا كەمىندە 10 جوبانى ىسكە اسىرۋ جوسپارلانىپ وتىر. ونىڭ ىشىندە جىلدىق قۋاتى 1500 توننا ءونىم شىعاراتىن قۇس فابريكاسى, اۋماعى 2,2 گەكتار اۆتوماتتاندىرىلعان جىلىجاي كەشەنى, 1200 مال باسىنا ارنالعان ءسۇت ونىمدەرى فەرماسى, كۇرىش زاۋىتى ىسكە قوسىلماق.
