نەگىزىندە, «قاراپايىم زاتتار ەكونوميكاسى» سالالارىن دامىتۋ بويىنشا باعدارلاما ازىرلەنىپ, باعدارلامانىڭ ىسكە اسىرىلۋىنا جاردەمدەسۋ ماقساتىندا كاسىپكەرلەر پالاتاسى جانىندا جوبالىق كەڭسە قۇرىلعان.
جوبالىق كەڭسە قۇرامىنا كاسىپكەرلەر پالاتاسى, وبلىستىق كاسىپكەرلىك جانە تۋريزم, يندۋستريالىق-يننوۆاتسيالىق دامۋ, اۋىل شارۋاشىلىعى باسقارمالارى, «دامۋ» كاسىپكەرلىكتى دامىتۋ قورى, ەكىنشى دەڭگەيلى بانك فيليالدارىنىڭ باسشىلارى ەنگەن.
«بۇگىنگى كۇنى جوبالىق كەڭسە مۇشەلەرى كاسىپكەرلەر اراسىندا كەڭ كولەمدى اقپاراتتاندىرۋ جۇمىستارىن جۇرگىزۋدە. «دامۋ» قورىمەن بىرلەسىپ, پالاتانىڭ الاڭىندا وسى باعدارلامانىڭ ىسكە اسىرىلۋىنا تىكەلەي جاۋاپتى قالالىق جانە اۋداندىق كاسىپكەرلىك بولىمدەرى, پالاتانىڭ فيليال باسشىلارى, ەكىنشى دەڭگەيلى بانك وكىلدەرىنە ارنايى سەمينار ۇيىمداستىرىلدى. باعدارلامادا باسىمدىق بەرىلگەن جوبالار ازىق-ت ۇلىك, جيھاز, جەڭىل ونەركاسىپتەرى جانە قۇرىلىس تاۋارلارىن شىعارۋدى قامتىعاندىقتان, وسى سالالاردىڭ 200-گە جۋىق كاسىپكەرىنىڭ قاتىسۋىمەن ءتورت كەزدەسۋ وتكىزىلدى», - دەيدى عالىمبەك جاقسىلىقوۆ.
پالاتا ديرەكتورى ماجىلىستە وڭىرلىك جوبالىق كەڭسەنىڭ جۇمىسىندا جالپى قۇنى 8,3 ملرد.تەڭگەنى قۇرايتىن 90 جوبا بار ەكەندىگىن, ونىڭ ىشىندە قازىردىڭ وزىندە 2 جوبا ماقۇلدانعاندىعىن جەتكىزدى.
مۇنان وزگە, بۇگىندە 5 جوبا بانكتىڭ قاراۋىندا, 21 جوبانىڭ قۇجاتتارى جيناقتالىپ, 58 جوبا بويىنشا كەلىسىمدەر جۇرگىزىلۋدە.
«قاراپايىم زاتتار ەكونوميكاسىن» دامىتۋ شەڭبەرىندە جەڭىلدىكپەن نەسيەلەۋ باعدارلاماسىن وبلىستا ىسكە اسىرۋعا «حالىق بانك», «سبەربانك», «اتف بانك», «ForteBank», «تسەنتركرەديتبانكى», «تسەسنابانك» جانە «ەۋرازيالىق بانكتىڭ» فيليالدارى قاتىسىپ جاتىر.
