«مۋزەي 1930 جىلدان باستاپ 2018 جىلعا دەيىنگى اتقارىلعان قىزمەتتەردى قورىتىندىلاۋ, مەديتسينا سالاسىنىڭ قانشالىقتى دامىعاندىعىن كورسەتۋ ماقساتىندا اشىلىپ وتىر. ەكسپوزيتسياعا نەگىزىنەن ءبىزدىڭ قىزمەتىمىزدىڭ قالىپتاسۋ تاريحىنان سىر شەرتەتىن تۇپنۇسقا قۇجاتتار, قۇرالدار مەن تاريحي فوتوسۋرەتتەر قويىلعان. العاشقى مەديتسينالىق كومەك كورسەتۋگە ارنالعان مەديتسينالىق قۇرال-جابدىقتار, ءبىزدىڭ قىزمەتكەرلەرىمىزدىڭ ءار ءتۇرلى جىلدارداعى فورماسى ۇسىنىلدى», – دەيدى ۇيىمداستىرۋ-ادىستەمەلىك ءبولىمىنىڭ باستىعى ەدىل شالوۆ.
مۇندا بارلىعى 50-دەن استام ەكسپونات قويىلعان. ولاردىڭ ءبىر بولىگى وسى ۋاقىتقا دەيىن قالالىق قوسالقى ستانتسيالاردا ساقتالعان بولاتىن. ءبىر بولىگىن وڭىرلەردەن ارىپتەستەر ۇسىندى.
«ولاردى كەز كەلگەن ادام كورە الادى, ياعني بۇل تەك ءبىزدىڭ قىزمەتىمىز بەن ارىپتەستەرىمىز ءۇشىن عانا ەمەس. بۇل مەكتەپ وقۋشىلارى, ءبىزدىڭ قىزمەتتىڭ ارداگەرلەرى جانە قالا تۇرعىندارىنا دا ارنالعان. كوللەكتسيا تولىقتىرىلادى. ءبىزدىڭ قىزمەتىمىزدىڭ تاريحىمەن بايلانىستى قىزىقتى جانە قۇندى زاتتاردى كەز كەلگەن ادام ءوز قالاۋىمەن بىزگە تاپسىرا الادى», – دەپ تۇيىندەدى ول.
