كۋۆەيتتەگى سارى قۇرلىق دوداسىندا ول 10 شاقىرىمعا جۇزۋدەن توپ جاردى. سونداي-اق, تاعى ءبىر قازاقستاندىق سپورتشى لەۆ چەرەپانوۆ ءۇشىنشى ورىن يەلەندى.
«كۋۆەيتتەگى جارىس وڭاي بولعان جوق. كۇن ىستىق, تولقىننىڭ ەكپىنى تىم قاتتى. ءبىر اۋىز سوزبەن ايتقاندا, سۋ سپورتشىلار ءۇشىن وتە اۋىر. مۇنداي جاعدايدا سپورتشىلاردىڭ ناتيجەسى ازداپ تومەندەيدى. دەسە دە, ءبارى بىردەي جاعدايدا جۇزگەن سوڭ, ءۆيتاليدىڭ جەڭىسىنە ەشكىمنىڭ كۇمانى جوق. ول ءوز مىندەتىن ارتىعىمەن ورىنداپ شىقتى. ال ءۇشىنشى ورىن يەلەنگەن لەۆ چەرەپانوۆ ءالى جاس. ول چەمپيوناتتا توپ جارعان حۋدياكوۆتان ءبىر مينۋتتان از ۋاقىتقا قالىپ قويدى. چەرەپانوۆتىڭ ءالى تالاي جەڭىسكە جەتەرىنە سەنىمدىمىز», - دەيدى اشىق سۋدا جۇزۋدەن قازاقستان كومانداسىنىڭ باس باپكەرى نيكولاي زاگريتسەنكو.
ايتا كەتەلىك, سۋ سپورتى تۇرلەرىنەن ازيا فەدەراتسياسى قۇرلىق چەمپيوناتىن ليتسەنزيالىق ساناتتاعى تۋرنيرلەر قاتارىنا قوستى. جارىس بارىسىندا وليمپيادانىڭ ەكى ليتسەنزياسى ساراپقا سالىندى.
وليمپيادا باعدارلاماسىنا ەنەتىن 10 شاقىرىمدىق جارىستا جەڭىسكە جەتكەن ەرلەر مەن ايەلدەر اتالعان ليتسەنزياعا يەلىك ەتكەن بولاتىن.
ۆيتالي حۋدياكوۆ 5 شاقىرىمعا جۇزۋدەن ازيا چەمپيونى اتانعانىن ەستەرىڭىزگە سالامىز.
