پرەمەر-ءمينيستردىڭ ءبىرىنشى ورىنباسارى – قارجى ءمينيسترى Ə. سمايىلوۆ, سىرتقى ىستەر ءمينيسترى ب. اتامقۇلوۆ, ادىلەت ءمينيسترى م. بەكەتاەۆ, وڭىرلەردىڭ اكىمدەرى ينۆەستيتسيالار تارتۋ جونىندەگى جۇمىستى جەتىلدىرۋدىڭ جاڭا تاسىلدەرى تۋرالى باياندادى. ماسەلەنى قاراۋ بارىسىندا «استانا» حالىقارالىق قارجى ورتالىعىنىڭ باسقارۋشىسى ق. كەلىمبەتوۆ, قازاقستاننىڭ شەتەلدىك ينۆەستورلار كەڭەسى قاۋىمداستىعىنىڭ باسقارما توراعاسى ا. پرەيمانيس ءسوز سويلەدى.
«تۇڭعىش پرەزيدەنت – ەلباسى نۇرسۇلتان نازارباەۆ ەكونوميكا ءوسىمىنىڭ تۇراقتى قارقىنىن قامتاماسىز ەتۋ مىندەتىن قويدى, بۇل نەگىزگى كاپيتالعا ءجىو 30% دەڭگەيىنە دەيىن ينۆەستيتسيالار كولەمىن ۇلعايتۋدى تالاپ ەتەدى. تىكەلەي شەتەلدىك ينۆەستيتسيالار نەگىزگى درايۆەرگە اينالۋى ءتيىس», دەدى ا. مامين. 2018 جىلدىڭ قورىتىندىسى بويىنشا قازاقستانعا تىكەلەي شەتەلدىك ينۆەستيتسيالاردىڭ جالپى اعىنى 15,8% ءوسىپ, $22,4 ملرد قۇرادى.
ينۆەستيتسيالىق احۋالدى ودان ءارى جاقسارتۋ جانە ينۆەستيتسيالار تارتۋ جۇمىستارىن جەتىلدىرۋ ماقساتىندا ۇكىمەت جاڭا تاسىلدەردى قابىلدادى. پرەمەر-ءمينيستردىڭ توراعالىعىمەن ينۆەستيتسيالار تارتۋ ماسەلەلەرى جونىندەگى ۇيلەستىرۋ كەڭەسى قۇرىلدى. ينۆەستيتسيالار تارتۋ ماسەلەسى بويىنشا بارلىق جاۋاپتى شەشىمدەر ۇيلەستىرۋ كەڭەسىنىڭ قاراۋىنا شىعارىلاتىن بولادى. كەڭەستىڭ ءبىرىنشى وتىرىسى بيىل مامىر ايىندا وتەدى.
ينۆەستيتسيالىق جوبالاردى ىسكە اسىرۋعا جانە ينۆەستورلاردىڭ قۇقىقتارىن قورعاۋعا قاتىستى ماسەلەلەردى شەشۋ ءۇشىن ينۆەستيتسيالىق ومبۋدسمەن فۋنكتسيالارى پرەمەر-مينيسترگە جۇكتەلدى.
«استانا» حالىقارالىق قارجى ورتالىعى, ءوز كەزەگىندە, ينۆەستيتسيالار تارتۋدىڭ ايماقتىق ورتالىعىنا اينالۋى ءتيىس. احقو قىزمەتىن قامتاماسىز ەتۋ ءۇشىن ەرەكشە قۇقىقتىق رەجيم بەلگىلەنگەن: كونستيتۋتسيالىق زاڭ قابىلدانعان, ينۆەستورلاردىڭ قىزمەتى اعىلشىن قۇقىعىمەن رەتتەلەدى. بۇگىندە ينۆەستورلارعا قولايلى جاعدايلار قاراستىرىلعان: تاۋەلسىز رەتتەۋ, سوت پەن حالىقارالىق اربيتراجدىق ورتالىق جۇمىسى الەمدىك ستاندارتتارعا ساي كەلەدى جانە شەتەلدىك ينۆەستورلاردىڭ قۇقىقتىق جايلىلىعىن قامتاماسىز ەتەدى; تاۋەلسىز قورلاردىڭ الەمدىك باسقارۋشى كومپانيالارىن تارتۋعا جاعدايلار جاسالعان.
ينۆەستيتسيالار اعىمىن ارتتىرۋ ءۇشىن احقو الاڭىندا ينۆەستورلارمەن جۇمىس جۇرگىزەتىن بىرىڭعاي ەكوجۇيە قۇرىلادى, بۇل جۇيەگە بارلىق دامۋ ينستيتۋتتارى كىرەتىن بولادى جانە «ءبىر تەرەزە» قاعيداسى اياسىندا جۇمىس جاسايدى.
«شەتەلدىك ينۆەستيتسيالاردى تارتۋ ەكونوميكانىڭ دامۋىنا جول اشىپ, حالىقتىڭ تۇرمىس ساپاسىنا قاتىستى ماسەلەنى شەشۋگە, جاڭا جۇمىس ورىندارىن اشۋعا جانە الەۋمەتتىك ماسەلەلەردى شەشۋگە مۇمكىندىك بەرەتىنىن ناقتى ءتۇسىنۋىمىز كەرەك. اكىمدىكتەر ينۆەستورلارمەن جۇمىستاردى وزگەرتىپ, ينۆەستيتسيالار تارتۋدىڭ جاڭا الگورتيمىنە قوسىلۋى قاجەت», دەدى پرەمەر-مينيستر ا. مامين.
