وسىلايشا, 2019 جىلدىڭ قاڭتار-ناۋرىز ايلارىندا ساتۋدان تۇسكەن تۇسىمدەر مەن تازا كىرىس 1 951 ملرد جانە 343 ملرد تەڭگەنى قۇرادى, العاشقى ءۇش ايدا جوسپاردىڭ ورىندالۋى سايكەسىنشە 95%-دى جانە 188%-دى قۇرادى. وپەراتسيالىق پايدا (NOPLAT) اعىمداعى جىلدىڭ ءۇش ايىندا 240 ملرد تەڭگەنى قۇرادى, بۇل 28 ملرد تەڭگەگە نەمەسە جوسپارلانعان مەجەدەن 13 %-عا ارتىق.
قارجى كورسەتكىشتەرىنىڭ وسۋىنە اسەر ەتكەن نەگىزگى فاكتورلار: مۇناي ونىمدەرىن, گازدى, گاز كوندەنساتىن ساتۋ كولەمىنىڭ جانە جۇك اينالىمىنىڭ ارتۋى, پوشتا قىزمەتتەرىنىڭ كوبەيۋى, اففيناجدالعان التىن ءوندىرۋدىڭ ايتارلىقتاي ءوسۋى. سونىمەن قاتار, قوردىڭ بارلىق ءىرى پورتفەلدىك كومپانيالارىندا تاۋار قۇنى مەن جالپى اكىمشىلىك شىعىندار ازايدى.
تازا تابىستىڭ ارتۋىنا سونىمەن قاتار «قازمۇنايگاز» اق توبىنداعى قاۋىمداسقان كومپانيالار مەن بىرلەسكەن كاسىپورىنداردان تۇسكەن كىرىس ۇلەسىنىڭ ۇلعايۋى اسەر ەتتى.
ايتا كەتكەن ءجون, 2018 جىلدىڭ ساۋىرىندە ەلباسى نۇرسۇلتان نازارباەۆ «سامۇرىق-قازىنا» قورىنىڭ 2018-2028 جىلدارعا ارنالعان جاڭا دامۋ ستراتەگياسىن بەكىتتى. مەملەكەت باسشىسى ۇلتتىق ءال-اۋقات قورى ءۇشىن ماڭىزدى مىندەتتەردى قويدى, ولاردىڭ باستىسى – قورجىندىق كومپانيالاردى ءتيىمدى باسقارۋ جانە ولاردىڭ كورسەتكىشتەرىن الەمدىك بالامالارىمەن تەڭەستىرۋ.
