تۇركىستان قالاسى وبلىسى ورتالىعى مارتەبەسىن العاننان باستاپ, اۋدان قالالاردى وبلىس ورتالىعىنا جالعايتىن نەگىزگى جولداردىڭ جاعدايىنا باسا نازار اۋدارىلۋدا.
بۇل رەتتە, وبلىستىڭ وڭتۇستىك باعىتىنداعى ماقتاارال, جەتىساي, شاردارا, ارىس, ورداباسى اۋداندارىندا 81,1 شاقىرىمدى قۇرايتىن 4 جولعا كۇردەلى, ۇزىندىعى 223,9 شاقىرىمدىق 6 جولعا ورتاشا جوندەۋ جۇمىستارى جۇرگىزىلە باستادى.
شىعىس باعىتتاعى تولەبي, سايرام, تۇلكىباس اۋداندارىندا 23 شاقىرىمدى قۇرايتىن 3 جولدى قايتا قۇرۋ, 64,5 شاقىرىمدىق 4 جولدى كۇردەلى, 56,2 شاقىرىمدىق 5 جولدى ورتاشا جوندەۋ جۇمىستارى قارقىندى جۇرۋدە.
ودان بولەك, كەلەس, سارىاعاش, قازىعۇرت اۋداندارى اۋماعىنان وتكەن 67,1 شاقىرىمدىق 3 جولدا كۇردەلى, 124,5 شاقىرىمدىق 7 جولدا ورتاشا جوندەۋ جۇمىستارى مەرزىمىنەن ەرتە باستالىپ وتىر.
سونداي-اق, تۇركىستان قالاسىنا جاقىن ورنالاسقان بايدىبەك, وتىرار, سوزاق اۋداندارى مەن كەنتاۋ قالاسىندا 92,2 شاقىرىمدى قۇرايتىن 4 جولعا كۇردەلى, 234,8 شاقىرىمدى قۇرايتىن 6 جولعا ورتاشا جوندەۋ جۇمىستارى جۇرۋدە.
ايتا كەتەرلىگى, 2019 جىلدىڭ قورىتىندىسىمەن جالپى تۇركىستان وبلىسى بويىنشا 584,4 شاقىرىمدى قۇرايتىن 24 جول جانە 5 كوپىردى پايدالانۋعا بەرۋ جوسپارلانعان.
وبلىستىق جولاۋشىلار كولىگى جانە اۆتوموبيل جولدارى باسقارماسىنا جۇكتەلگەن اۋقىمدى جۇمىس كولەمىن ساپالى جانە مەرزىمىندە ورىنداۋ ماقساتىندا قۇرىلىس-مونتاجداۋ جۇمىستارعا جاۋاپتى تەحنيكالىق, اۆتورلىق قاداعالاۋشى جانە مەردىگەر مەكەمەلەرمەن تۇراقتى جينالىستار وتكىزىلۋدە. نىساندا ورىن الۋى مۇمكىن قيىندىقتار الدىن الا تالقىلانىپ, شەشۋ ماقساتىندا جۇمىستار اتقارىلۋدا. ءار نىسانعا بەكىتىلگەن جۇمىس-وندىرىستىك كەستەگە سايكەس قۇرىلىس جۇمىستارى قاتاڭ باقىلاۋعا قويىلىپ, نىسانداردى ارالاۋ-تەكسەرۋ ءىس-شاراسى قولعا الىنعان.
