− كولىكتىك باقىلاۋ ءجۇرگىزۋ كەزىندە كوپتەگەن تاسىمالداۋشىلاردىڭ تاۋار-كولىك جۇك قۇجاتى بولماي شىعادى. مىسالى, 2018 جىلى 5 700 تاسىمالداۋشى اكىمشىلىك جاۋاپكەرشىلىككە تارتىلىپ, 188 ملن تەڭگە ايىپپۇل سالىندى. جاۋاپكەرشىلىكتەن قاشۋ ءۇشىن جۇك جونەلتۋشىلەر (كەنىش يەلەرى) ينەرتتى جۇكتەر تيەگەندە تاۋار-كولىك جۇك قۇجاتىن كورسەتپەيدى. قازىر باقىلاۋدى 3 ستاتسيونارلىق كولىكتى باقىلاۋ بەكەتى, 48 جىلجىمالى بەكەت جۇزەگە اسىرادى. بۇدان بولەك جالپى پايدالانىمداعى اۆتوموبيل جولدارىنا 12 ارنايى اۆتوماتتاندىرىلعان ولشەۋ قۇرالدارى ورناتىلدى. 2018 جىلى 12 515 كولىك قۇرالى تەكسەرىلىپ, 4384 زاڭ بۇزۋشىلىق انىقتالدى. ولارعا 321 ملن تەڭگە ايىپپۇل سالىندى», – دەدى يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ توراعاسى سامات گيليموۆ.
«قازجول عزي» اق پرەزيدەنتى باعدات تەلتاەۆتىڭ ايتۋىنشا, ەلىمىزدەگى نەگىزگى جولدار 10 توننالىق سالماققا جوبالانعان. «رەسپۋبليكالىق جانە جالپى پايدالانۋعا بەرىلگەن جەرگىلىكتى جولداردىڭ سانى شامامەن 100 مىڭ شاقىرىم دەيتىن بولساق, سونىڭ ۇشتەن ەكى بولىگى (67 پايىزى) 10 توننا جانە ودان دا تومەن ءبىلىك كۇشىنە ەسەپتەلىپ سالىنعان. ەگەر جولعا وسى نورمادان ارتىق كۇش تۇسەتىن بولسا, وندا ەرتە بۇزىلۋى ىقتيمال. ەگەر ءبىر عانا بىلىك 15 توننا جۇكپەن وتەتىن بولسا, وندا ءبىر عانا بىلىكتىڭ جولعا تۇسىرەتىن سالماعى التى اۆتوكولىككە تەڭ. ەلباسىنىڭ تاپسىرماسىمەن قانشاما ميلليارد تەڭگەنى جولدىڭ ساپاسىن كوتەرۋگە جۇمسادىق. ەگەر وسى جولداعى اۆتوكولىكتەردىڭ بىلىگىنە تۇسەتىن كۇش نورماعا ساي ەكەنىن قاداعالاماساق, الداعى ۋاقىتتا قولدانىستاعى جولداردان ايىرىلىپ قالۋىمىز مۇمكىن», – دەدى ول.
ب.تەلتاەۆ سونداي-اق جاقىندا عانا قاراعاندى وبلىسىندا اسفالتقا باتىپ قالعان كامازداردىڭ جايىنا قاتىستى وتكىر سىن ايتىپ, بۇل ماسەلەگە قاتىستى شارالاردى زاڭ اياسىندا قاتاڭداتۋ قاجەتتىگىن ەسكەرتتى.
«قازاۆتوجول» ۇك» اق باسقارما توراعاسىنىڭ ورىنباسارى ا.ءجۇسىپوۆتىڭ ايتۋىنشا, بيىل 1190 شاقىرىم جولعا ورتاشا جوندەۋ جۇمىستارى جۇرگىزىلىپ, پايدالانۋعا بەرىلەدى. ونىڭ 480 شاقىرىمى رەسايكلينگ تەحنولوگياسى بويىنشا, 250-ءى جولدىڭ كەدىر-بۇدىرلى بەدەرىن وڭدەۋ, 48 شاقىرىمى ميكروسيۋرفەيسينگ تەحنولوگياسى بويىنشا, 412-سىنە جولعا تسەمەنت بەتون جابىندىنى جاڭارتۋ جانە جاسارتۋ جۇمىستارى جۇرگىزىلەدى دەپ جوسپارلانۋدا. كۇتىپ-ۇستاۋ جۇمىستارىمەن
