ءمينيستردىڭ ايتۋىنشا, «جوبالار فابريكاسى» اتتى جوبالاردى قالىپتاستىرۋ مەن سۇيەمەلدەۋدىڭ بىرىڭعاي اقپاراتتىق جۇيەسى قۇرىلادى.
«نۇر-سۇلتان قالاسى مەن حالىقارالىق قارجى ورتالىقتارى اراسىندا تىكەلەي اۋە قاتىناستارىنىڭ گەوگرافياسى كەڭەيتىلەتىن بولادى. جوعارعى سوتپەن جانە باس پروكۋراتۋرامەن بىرلەسىپ ينۆەستيتسيالىق كليماتتى ودان ءارى جاقسارتۋ, ينۆەستورلاردىڭ قۇقىقتارىن قورعاۋ جانە زاڭنىڭ ۇستەمدىگىن قامتاماسىز ەتۋ جونىندە ۇسىنىستار ازىرلەنەتىن بولادى», دەيدى مينيستر ءا.سمايىلوۆ.
ۆەدومستۆو باسشىسىنىڭ ايتۋىنشا, جاڭا ارحيتەكتۋرا شەڭبەرىندە جوبالاردى جىلجىتۋ بىلايشا بولادى:
ءبىرىنشى كەزەڭدە - وڭىرلىك ينۆەستيتسيالىق حابتا («جوبالار فابريكاسىندا») بارلىق الەۋەتتى ينۆەستيتسيالىق جوبالار ورتالىقتاندىرىپ جينالادى.
ەكىنشى كەزەڭدە – استانا حالىقارالىق قارجى ورتالىعىنان ساراپشىلار مەن كونسۋلتانتتاردى تارتا وتىرىپ, «Kazakh Invest» بازاسىنداعى جوبالاردى وڭدەۋ جانە تالداۋ جاسالادى. جوبالار شەتەلدىك ينۆەستورلار ءۇشىن تۇسىنىكتى فورماتتارعا كەلتىرىلەدى.
ءۇشىنشى كەزەڭ - استانا حالىقارالىق قارجى ورتالىعىنىڭ قولداعى بار مۇمكىندىكتەرى مەن سىرتقى ىستەر مينيسترلىگىنىڭ ينفراقۇرىلىمىن پايدالانا وتىرىپ, قولدانىسقا دايىن جوبالاردى جىلجىتۋ.
ءتورتىنشى كەزەڭ – استانا حالىقارالىق قارجى ورتالىعىنىڭ زاڭ ينفراقۇرىلىمىن پايدالانا وتىرىپ, ينۆەستيتسيالىق حاب بازاسىندا كەلىسىمشارتتار جاساسۋ.
ايتا كەتۋ كەرەك, جاڭا ارحيتەكتۋرانى تانىستىرۋ 16 مامىردا بولاتىن استانا ەكونوميكالىق فورۋمى شەڭبەرىندە وتەدى. ينۆەستيتسيا تارتۋ ماسەلەلەرى جونىندەگى ۇيلەستىرۋ كەڭەسىنىڭ ءبىرىنشى وتىرىسى وسى جىلدىڭ مامىر ايىندا وتەدى.
