وتكەن جۇما كۇنى «اق جول» دەموكراتيالىق پارتياسى اقتوبە وبلىستىق فيليالىنىڭ كونفەرەنتسياسى اقتوبە قالاسىندا وتكىزىلىپ وعان 150-گە جۋىق دەلەگات قاتىستى. بۇل جولى پرەزيدەنتتىكتەن ءۇمىتكەر ۇسىنىلا قويعان جوق. كونفەرەنتسياعا قاتىسۋشىلار «اق جول» دەموكراتيالىق پارتياسىنىڭ 24 ءساۋىر كۇنى وتكىزىلەتىن سەزىنە جەتى دەلەگات سايلادى. ونىڭ بىرەۋى پارلامەنت ءماجىلىسىنىڭ, ەكىنشىسى اقتوبە وبلىستىق ءماسليحاتىنىڭ دەپۋتاتتارى بولسا, بەسەۋى وڭىردەگى اۋداندىق ءماسليحاتتاردىڭ «اق جول» پارتياسى اتىنان سايلانعان دەپۋتاتتارى. سەزد دەلەگاتتارىنىڭ تەك بىرىڭعاي دەپۋتاتتىق فراكتسيا مۇشەلەرى اتىنان سايلانۋى ولاردى ساياسي قىزمەتكە داعدىلاندىرا بەرۋ جانە تاجىريبەلەرىن ارتتىرۋ قاجەتتىگىنەن تۋىنداپتى.
– وبلىسقا جۇمىس ساپارى كەزىندە قازاقستاننىڭ «اق جول» دەموكراتيالىق پارتياسىنىڭ توراعاسى ازات پەرۋاشەۆ اقتوبە وبلىسىنىڭ اكىمى وڭداسىن ورازالينمەن كەزدەستى. بۇدان سوڭ ول تۇرعىنداردى قابىلدادى, دەپ مالىمدەدى گازەت ءتىلشىسىنە «اق جول» پارتياسى اقتوبە وبلىستىق بولىمشەسىنىڭ ءتوراعاسى اسقار سادىقوۆ.
