قوعام • 22 ءساۋىر، 2019

ۇلگى الارلىق وڭدى ىستەر بار

299 رەت كورسەتىلدى

ەلباسىنىڭ الەۋمەتتىك باستامالارىن ءتۇسىندىرۋ ماقساتىندا شىعىس قازاقستانعا كەلگەن ۇكىمەتتىك دەلەگاتسيانىڭ جۇمىس ساپارى سەمەي قالاسىنداعى جەدەل مەديتسينالىق جاردەم اۋرۋحاناسىن ارالاۋدان باستالدى. 325 توسەك-ورىنعا شاقتالعان اۋرۋحانادا زاماناۋي جابدىقتارمەن جاراقتالعان پوليتراۆما جانە ورتوپەديا ورتالىعى اشىلدى. مامىر ايىندا ەلىمىزدەگى العاشقى نەيروحيرۋرگياعا ارنالعان گيبريدتى وتا جاساۋ بولمەسى اشىلماق.

جۇمىس توبى مۇشەلەرى حالىق­قا قىزمەت كورسەتۋ ورتا­لى­عىندا ەلەكتروندى فورماتتا مەملەكەتتىك قىزمەت كورسەتۋ بارىسىمەن تانىستى. سونداي-اق جۇرتشىلىق وكىلدەرىمەن كەز­دەستى. كەزدەسۋدەن سوڭ پرەمەر-ءمينيستردىڭ ورىنباسارى گ.ءاب­دى­قالىقوۆا ازاماتتاردى قابىلدادى. ودان كەيىن 14 بالانى تاربيەلەپ وتىرعان ولگا كاندىبانىڭ وتباسىندا بولدى. كوپ بالالى وتباسى مەملەكەتكە 7 جەر تەلىمىن ۇسىنعانى جانە «گازەل» ماركالى اۆتوكولىك سىيلاعانى ءۇشىن العىسىن ايتتى. سونىمەن قاتار 8 بالا­نى تاربيەلەپ وتىرعان ينديرا وتارباەۆانىڭ وتباسى دا «وكەن» جشس قۇرىلتايشىسىنا سىيلاعان جاڭا جەكە ءۇيى ءۇشىن ريزاشىلىعىن ءبىلدىردى.

جۇمىس ساپارى وسكەمەندە جالعا­سىپ، رەسمي توپ وكىلدەرى اۋەلى وبلىستىق ماماندان­دى­رىل­عان مەديتسينالىق ورتا­لىق­تا روبوتتاندىرىلعان حيرۋر­گيا ورتالىعىنىڭ جۇمىسى­مەن تانىستى. باس دارىگەر يۋري ستاروكوجەۆ ءبىر جىلدا 200-دەن استام ناۋقاسقا وتا جاساعاندارىن ايتتى. «روبوتتاندىرىلعان حيرۋرگيا وتانىڭ دالدىگىن ارتتىرىپ، جاراقاتتىڭ جەڭىل ءارى وپەراتسيادان كەيىنگى ەم-دومنىڭ ساپالى بولۋىن قامتاماسىز ەتەدى»، دەيدى ول.

د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىندە وبلىس اكتيۆىمەن كەزدەسكەن پرەمەر-ءمينيستردىڭ ورىنباسارى ەلباسى تاپسىرماسىمەن قابىلدانعان «الەۋمەتتىك قامقورلىق» كەشەندى باعدارلا­ماسىنىڭ ناتيجەسىندە وزەكتى الەۋمەتتىك باستامالار قولعا الىنعانىن اتاپ ءوتتى. 

باسقوسۋدا ءسوز العان كوپ با­لا­لى انا، «NIET.WOMAN» قوعام­دىق بىرلەستىگىنىڭ جەتەك­شىسى ەلۆيرا اللاحۆەرديەۆا وڭىردە كوپ بالالى جانە از قامتىلعان وتباسىلاردى دەمەۋ باعىتىندا كەشەندى جۇمىس قولعا الىنعانىنا توقتالدى. «كەشەندى جوسپار اياسىندا كوپ بالالى جانە از قامتىلعان وت­باسى­لاردىڭ بالالارى بالا­باقشا تولەمىنەن بوساتىلىپ، ولارعا مەكتەپ فورماسى تەگىن بەرىلمەك. كوپ بالالى انالار جانە مۇگەدەك بالا تاربيەلەپ وتىرعان انالارعا سۇرانىسقا يە ما­ماندىقتار بويىنشا قىس­قا مەرزىمدى كۋرستار ۇيىمداس­تىرىلىپ، جۇمىس ورىندارى قاراستىرىلۋدا»، دەدى ول.

بۇگىندە وبلىستا 26 146 كوپ بالالى وتباسى تۇرسا، ونىڭ 14 159-نىڭ بالالارى كامەلەتكە تولماعان. وبلىس اكىمىنىڭ ورىنباسارى اسەم ءنۇسىپوۆانىڭ ايتۋىنشا، كەشەندى باعدارلاما اياسىندا 46 مىڭ ادام اتاۋلى الەۋ­مەتتىك كومەككە قول جەتكىز­بەك. مامىر ايىنان باستاپ وبلىستاعى كوپ بالالى وتباسىلار (3 جارىم مىڭ) بالاباقشا تولەمىنەن بوساتىلادى.

ۇكىمەت باسشىسىنىڭ ورىنباسارى شاھارداعى كوپ بالالى وتباسىلاردىڭ ۇيىنە باردى. جىبەك جولى كوشەسىندە تۇرا­تىن نۇرلان جەتپىسوۆتىڭ جۇ­بايى ومىردەن ەرتە وزىپ، بۇگىن­دە بەس بالاعا ءوزى باس-كوز بولىپ وتىر. بىرنەشە جىل پاتەر جال­داعان وسكەمەن تۇرعىنىنا «ۆك تەحنوگرۋپپ» جشس-ءسى ءوز­دەرى سالعان كوپقاباتتى ءۇيدىڭ ءبىرىن­شى قاباتىنان ەكى بولمەلى پاتەر سىيلادى. «قىزدارىمنىڭ ۇلكەنى 10-سىنىپتا، كەنجەمىز 1-سىنىپقا بارادى. باس اۋىرت­قان باسپانا ماسەلەسى شەشىلىپ، قۋانىشقا كەنەلىپ جاتىرمىز»، دەيدى قايسار اكە. ۆيتسە-پرەمەر ات باسىن تىرەگەن ەكىنشى وتباسى – قالا شەتىندەگى جەر ۇيدە 12 بالا ءوسىرىپ وتىرعان چەركاشيندەر اۋلەتى. «رودنيچوك» شارۋا قو­جا­لىعىنىڭ باسشىسى ا.ميتين بۇل وتباسىنا كومەك قولىن سوزىپ، قۇرىلىس ماتەريالدارىن سا­تىپ اپەرىپتى. التاي اۋدانىن­دا تۇرعان چەركاشيندەر وتباسى وسكەمەنگە بىلتىر كوشىپ كەلگەن. «ءۇيىمىز تاۋدىڭ ەتەگىندە. اۋەلدە شاعىن بولاتىن، ءوز كۇشىمىزبەن اقىرىنداپ كەڭەيتىپ جاتىرمىز. 0،2 گەكتار باقشامىز بار. ماماندىعىم – گەولوگ. التايدا تۇرعاندا «قاز­تسينكتە» جۇمىس ىستەگەنمىن. از­داپ ەشكى ۇستايمىز. قىزدار سونى ساۋىپ، ءسۇتىن ساتادى. ۇل­دار قورادان شىقپايدى. بالا­نىڭ كوپ بولعانى قولىڭدى جۇ­مىس­تان بوساتادى. بۇعان دەيىن ەش­كىم­­گە قول جايعان جوقپىز. ءوز وت­­با­سىما ءوزىم جاۋاپتىمىن دەپ سانايمىن»، دەدى وتاعا­­سى. گ.ءاب­دىقالىقوۆا كوپكە ۇلگى بو­لار­­ل­ىق ەكى وتباسىنا دا ريزا­شى­­لى­­عىن ءبىلدىرىپ، 150 مىڭ تەڭگە­نىڭ قار­جىلاي سەرتيفيكاتىن تابىس ەتتى. 

پرەمەر-ءمينيستردىڭ ورىنباسارى جۇمىس ساپارى اياسىن­دا ەڭبەك جəنە حالىقتى əلەۋ­مەت­تىك قورعاۋ ءمينيسترى بەردى­بەك س­اپار­­باەۆپەن بىرگە وسكە­مەن­دەگى جۇمىسپەن قامتۋ ورتالى­عى­نىڭ قىزمەتىمەن تانىستى. ور­تالىق قىزمەتكەرلەرى قۇجات­تار­دى ونلاين قابىلداۋ جۇيەسى 30 ساۋىردە توقتاتىلماسا ەكەن دەگەن تىلەكتەرىن ءبىلدىردى. ءويت­كەنى وسكەمەندەگى 2157 كوپ بالالى وت­باسىنىڭ تەك 248-ىنە عانا جاڭا فورما بويىنشا ااك تاعايىندالىپتى. «قا­جەت بولسا، ۋاقىتىن سوزۋ قاجەت. قۇجات جيناۋدا ءتۇرلى كەدەرگىلەر بار ەكەنىن بىلەمىز»، دەدى گ.ابدىقالىقوۆا.

مۇگەدەكتەردى الەۋمەتتىك قور­عاۋ سالاسىنداعى ۇيلەستىرۋ كەڭەس­ىنىڭ كوشپەلى وتىرىسى ۇكى­مەتتىك دەلەگاتسيانىڭ قاتىسۋى­مەن وسكەمەندە ءوتتى. بارلىق وب­لىس پەن الماتى، نۇر-سۇل­تان جانە شىمكەنت قالالارى اكىم­دەرىنىڭ الەۋمەتتىك سالاعا جاۋاپتى ورىنباسارلارى قاتىس­قان بەينەرەجىمدەگى جيىندا 2025 جىلعا دەيىنگى جاڭا ۇلتتىق جوسپاردىڭ جوباسى تالقى­لاندى. ۇكىمەت باسشى­سىنىڭ ورىنباسارى ەلىمىزدە ءمۇم­كىندىگى شەكتەۋلى ازاماتتاردى قولداۋ باعىتىندا ءبىرشاما جۇمىس قولعا الىنعانىمەن، ءتۇ­يىنى تارقاماعان ماسەلەلەر بار ەكەنىن، ازاماتتاردىڭ اتال­عان ساناتى قوعامدىق كولىك­تەرگە ءمى­نىپ-تۇسۋدە، ءتۇرلى عيمارات­تارعا كىرۋدە، جوعارى قابات­تار­عا كوتەرىلۋدە اۋرە-سارساڭعا ءتۇ­سىپ جۇرگەنىن تىلگە تيەك ەتتى. ب.ساپار­باەۆ 2025 جىل­عا دەيىنگى ۇلتتىق جوسپار 7 باعىتتان تۇراتىنىن، وسى ۋاقىتقا دەيىن ازاماتتاردان 400-گە جۋىق ۇسىنىس تۇسكەنىن، ءوتىنىش-تىلەكتەر مينيسترلىكتىڭ رەسمي ينتەرنەت سايتىندا قابىل­داناتىنىن اتاپ ءوتتى.

وتىرىستى قورىتىندىلاعان گ.ابدىقالىقوۆا ۇلتتىق جوبا­عا نەمقۇرايلىلىق تانىتپاي، ءجىتى نازار اۋدارۋدى، ناقتى ۇسىنىس بەرۋدى تاپسىردى. «وسى رەتتە اتاپ ايتقىم كەلەتىنى، وسكەمەندە مۇمكىندىگى شەكتەۋلى بالالارعا ارنالعان «اقنيەت» مەكتەپ-ينتەرناتى ءتيىمدى جۇمىس جۇرگىزىپ كەلەدى. مىنە، وسىنداي ءبىلىم وردالارى ەلىمىزدە كوپتەپ اشىلۋى كەرەك»، دەپ تۇيىندەدى ۆيتسە-پرەمەر.
وتىرىستان كەيىن ۇكىمەتتىك دەلەگاتسيا مۇمكىندىگى شەكتەلۋى بالالارعا ارنالعان «اقنيەت» مەكتەپ-ينتەرناتىنىڭ جۇمىسى­مەن تانىسىپ، بالالارعا ارنالىپ سالىنىپ جاتقان 200 ورىندىق اۋرۋحانانىڭ قۇرىلىسىن كوردى.

شىعىس قازاقستان وبلىسى
سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار