زارداپ شەككەندەرگە كومەك كورسەتىلۋدە

كەشە پرەمەر-مينيستر كارىم ءماسىموۆ الماتى وبلىسى, اقسۋ اۋدانىنداعى سۋ قويماسى بوگەتى بۇزىلۋىنىڭ سالدارلارىن جويۋ ءۇشىن ۇكىمەت رەزەرۆىنەن قارجى ءبولۋ تۋرالى قاۋلىعا قول قويدى, دەپ حابارلادى پرەمەر-ءمينيستردىڭ ءباسپاسوز قىزمەتى. قاۋلىعا سايكەس 599 838 000 تەڭگە سوماسىنداعى قارجى اعىم­داعى ەكى ماقساتتى ترانسفەرت رە­تىن­دە باعىتتالاتىن بولادى. 499 838 000 تەڭگەنى قۇرايتىن العاش­قىسى سۋ قويماسى بوگەتىنىڭ بۇزىلۋى سالدارىنان زارداپ شەككەن قىزىلاعاش جانە ەگىنسۋ اۋىلدارىنىڭ تۇرعىندارىنا ما­تە­ريالدىق كومەك كورسەتۋگە جانە سۋمەن جابدىقتاۋ جۇيەلەرىن قال­پىنا كەلتىرۋ, تۇرعىن ۇيلەردى ءجون­دەۋ جۇمىستارىن جۇرگىزۋگە با­عىتتالسا, 100 ميلليون تەڭگە ءمول­شە­رىندەگى ەكىنشىسى جاڭا تۇرعىن ۇيلەر سالۋعا جۇمسالادى. وسى كۇنى پرەمەر-مينيستر ك.ءماسىموۆ الماتى وبلىسى, اقسۋ اۋدانىنداعى توتەنشە وقيعانىڭ زارداپتارىن جويۋ ءۇشىن مەملە­كەت­تىك ماتەريالدىق رەزەرۆتەگى ماتە­ريالدىق قۇندىلىقتارعا جاسالعان بروندى الۋ تۋرالى ەكىنشى قاۋلىعا قول قويدى. مەملەكەتتىك ماتەريالدىق رە­زەرۆ­تەن بولىنگەن قارجىلار الما­تى وبلىسى, اقسۋ اۋدانى قىزىل­اعاش جانە ەگىنسۋ اۋىلدارىنداعى توتەنشە وقيعانىڭ زارداپتارىن جويۋ ءۇشىن پايدالانىلاتىن بو­لادى. پرەمەر-مينيستر توتەنشە جاعدايلار مينيسترلىگىنە قارجى مينيسترلىگىمەن بىرلەسىپ, بارلىق قاجەتتى شارالاردى قابىلداۋ ءجو­نىندە تاپسىرما بەردى. كولىك جانە كوم­مۋنيكاتسيالار مينيسترلىگىنە مەم­لەكەتتىك ماتەريالدىق رەزەرۆ­تىڭ ما­تەريالدىق قۇندىلىقتارىن تا­سى­مالداۋ مەن جەتكىزىپ بەرۋ ءۇشىن جىل­جىمالى قۇرامدى بەرۋدى ۋاقى­تىندا قامتاماسىز ەتۋ تاپسىرىلدى. بولىنگەن قارجىلاردىڭ ماق­سات­تى پايدالانىلۋىنا باقىلاۋ جاساۋ قارجى مينيسترلىگىنە مىندەتتەلدى. وبلىستا اقسۋ اۋدانىنداعى سۋ تاسقىنىنىڭ زارداپتارىن جويۋ جونىندەگى ۇكىمەتتىك كوميسسيا ءوز جۇمىسىن ودان ءارى جالعاستىرۋدا. 15 ناۋرىز وبلىستا قازا تاپ­قان­داردى ەسكە ءتۇسىرۋ ءۇشىن “قا­رالى كۇن” بولىپ جاريالاندى. كەشە وقيعا ورنىنا پرەمەر-ءمينيستردىڭ ورىنباسارى – ين­دۋستريا جانە جاڭا تەحنولوگيالار ءمينيسترى اسەت يسەكەشەۆ كەلدى. توتەنشە جاعدايلار ءمينيسترى ۆلا­ديمير بوجكو باسقاراتىن وپە­راتيۆتى شتاب قىزىلاعاش اۋى­لىنىڭ ءاربىر تۇرعىنىنا كەلتى­رىل­گەن شىعىندى بەلگىلەۋدە. وبلىس اكىمدىگى قازا تاپقانداردى جەر­لەۋ­گە كومەك كورسەتىپ, قازا بولعان ءاربىر ادامعا جەرگىلىكتى بيۋدجەتتەن 500 مىڭ تەڭگەدەن تولەنەتىن بولدى. ۇيىمداستىرۋ ماسەلەلەرىن شەشۋ ءۇشىن زارداپ شەككەن وتبا­سى­لارىنا جاۋاپتى ادامدار بە­كىتىلدى, ماتەريالدىق كومەك اۋدارۋ ءۇشىن ۇيلەردىڭ ناقتىلى ادامدارعا جاتاتىندىعىن قۇجات ارقىلى راستاۋ جۇمىستارى اياقتالىپ كەلەدى. قىزىلاعاش اۋىلىندا ءومىر بىرتىندەپ قالپىنا كەلە باستادى, ءبىرىنشى بولىپ 33 وتباسى ءوز مە­كەن-جايلارىنا ورالدى. اۋىل تۇر­عىندارىن كومىر, گاز, اۋىز سۋ, سونداي-اق مالدىڭ جەم-ءشوبى ءتا­رىزدى بارلىق قاجەتتى دۇنيەلەرمەن قامتاماسىز ەتۋ جونىنەن شارالار قابىلداندى. مەكتەپ قالپىنا كەلتىرىلۋدە, 14 ناۋرىزدا سەلولىق مەكتەپ پەن 120 تۇرعىن ءۇي ەلەكتر قۋاتىنا قوسىلدى. تەلەفون بايلانىسىن قامتاماسىز ەتۋ ءۇشىن راديوانتەننا ورناتىلدى. اۋىل تۇرعىندارىن ەڭبەكاقى تولەي وتىرىپ اپاتتى قالپىنا كەلتىرۋ جۇمىستارىنا تارتۋ جاعى دا قاراستىرىلۋدا. شالعاي ۋچاس­كەلەر ازىق-ت ۇلىكپەن, وتىنمەن جانە ءدارى-دارمەكپەن قامتاماسىز ەتىلدى, مال ازىعىن جەتكىزىپ بەرۋدە كومەك كور­سەتىلدى. ازىق-ت ۇلىك تىك­ۇشاق­پەن جەت­كىزىلۋدە. وسى ماق­سات­تار ءۇشىن 45 تون­نادان استام ءشوپ جەتكىزىلدى. 87 باس يەسىز قالعان ءۇي مالى قۇتقا­رى­لىپ, قاۋىپسىز جەر­لەرگە شىعارىلدى. جاڭا تۇرعىن ۇيلەر سالۋدى ۇيىمداستىرۋ جونىنەن شارالار قابىلداندى. ولار بۇزىلعان ءۇي­لەر­دىڭ الاڭى مەن وتباسى مۇشە­لەرىنىڭ سانىنا بايلانىستى 2,3 جانە 4 بولمەلى جاڭا ۇيلەر بولا­دى دەپ كۇتىلۋدە. توتەنشە جاع­داي­لار ءمينيسترى ۆ.بوجكو زارداپ شەك­كەندەردىڭ ولاردىڭ تىلەكتەرى بويىنشا “نۇرلى كوش” مەملە­كەت­تىك باعدارلاماسى شەڭبەرىندە ورالماندار ءۇشىن قازاقستاننىڭ وزگە دە وڭىرلەرىندە سالىنعان ءۇي­لەرگە قونىستاندىرىلاتىندىعىن حابارلادى. قىزىلاعاش اۋىلىندا  مارو­دەر­لىك پەن م ۇلىكتەردى ۇرلاۋ جاع­داي­لارىنىڭ الدىن الۋ ءۇشىن پو­ليتسيا ناريادتارى تاۋلىك بويىنا كەزەكشىلىك ۇيىمداستىرۋدا. مامانداندىرىلعان ءبولىم­دەردىڭ كۇشىمەن تاسقىن بولعان ايماققا جاقىن جاتقان الماتى-وسكەمەن اۆتوجولىنىڭ ۋچاسكەسى قايتا قالپىنا كەلتىرىلۋدە. تالدىقورعان قالاسىندا ءتو­تەنشە جاعدايلاردىڭ زارداپتارىن جويۋ جونىندەگى وپەراتيۆتىك شتاب­تىڭ “سەنىم تەلەفونى” جەلىسى ۇيىم­داستىرىلدى (27-00-99, 27-04-18). توتەنشە جاعدايلاردىڭ زار­داپ­تارىن جويۋ جۇمىستارى ودان ءارى جالعاسۋدا. ول پرەمەر-مينيستر كارىم ءماسىموۆتىڭ جەكە باقىلاۋىندا تۇر.