جاڭا باسشىلاردى تانىستىردى

كەشە پرەمەر-مينيستر كارىم ءماسىموۆ مەملەكەت باسشىسى ن.نازارباەۆتىڭ جارلىقتارىمەن قايتا قۇرىلعان مينيسترلىكتەر ۇجىمىنا ولاردىڭ جاڭادان تاعايىندالعان باسشىلارىن تانىستىردى, دەپ حابارلادى پرەمەر-ءمينيستردىڭ ءباسپاسوز قىزمەتى. ۇكىمەت باسشىسى قايتا قۇرۋعا بايلانىستى تاراتىلعان يندۋستريا جانە ساۋدا مينيسترلىگىنىڭ ساۋدا سالاسىنداعى فۋنكتسيالارى مەن وكىلەتتىكتەرىنىڭ ەكونوميكالىق دامۋ جانە ساۋدا مينيسترلىگىنىڭ قۇزى­رىنا بەرىلەتىندىگىن حابارلادى. يندۋستريالىق ساياساتتى جۇزەگە اسى­رۋ ءۇشىن قاجەتتى ماسەلەلەردىڭ ءبارى كەشىكتىرىلمەي شەشىلۋگە ءتيىس دەپ اتاپ ءوتتى ول. سونداي-اق ك.ءما­سى­موۆ پرەمەر-ءمينيستردىڭ ورىن­با­سارى –  يندۋستريا جانە جاڭا تەح­نولوگيالار ءمينيسترى اسەت يسە­كە­شەۆكە بارلىق ۇيىمداستىرۋ ماسە­لەلەرىن قىسقا مەرزىمدە رەتكە كەلتىرۋدى تاپسىردى. مۇناي جانە گاز ءمينيسترى ساۋات مىڭباەۆتى تانىستىرا وتى­رىپ, ك.ءماسىموۆ مەملەكەت باسشى­سى­نىڭ ەلدىڭ نەگىزگى بايلىقتا­رى­نىڭ ءبىرى – مۇناي مەن گازعا قا­تىستى ناقتى مىندەتتەر قويعانىن اتاپ كورسەتتى. مۇناي-گاز سەكتورىن دامىتۋ ساياساتىن جۇرگىزۋ بارى­سىن­دا كومىرسۋتەگى سالاسىنداعى جوبا­لاردا مەملەكەتتىك مۇددەلەردىڭ ساق­تالۋىن قامتاماسىز ەتۋ قاجەت­تىگىنە نازار اۋداردى. پرەزيدەنت تاپسىرمالارىن جۇزەگە اسىرۋ ءۇشىن مينيسترلىككە قاجەتتى وكىلەتتىكتەر بەرىلگەن. سول سياقتى پرەمەر-مينيستر ەكونوميكالىق دامۋ جانە ساۋدا مي­نيسترلىگى ۇجىمىنا ونىڭ جاڭا باسشىسى جانار ايتجانوۆانى تا­نىس­تىردى. ول ءمينيستردىڭ الدىنا ەكونوميكا سالاسىنداعى ستراتە­گيا­لىق جوسپارلاۋدا, كەدەن وداعى قىزمەتىن ەسكەرە وتىرىپ, ىشكى جانە سىرتقى ساۋدانى دامىتۋدا, سونداي-اق بسۇ-عا وتۋدە ناقتى مىندەتتەر قويدى. پرەمەر-مينيستر قايتا قۇ­رىلعان مادەنيەت مينيسترلىگىنىڭ باسشىسى مۇحتار قۇل-مۇحام­مەد­كە ازاماتتاردىڭ ءدىني ەركىندىگىن جانە ءدىني بىرلەستىكتەرمەن قارىم-قاتى­ناستارىن قامتاماسىز ەتۋ جونىندەگى فۋنكتسيالاردىڭ ادىلەت مينيستر­لىگىنەن مادەنيەت مي­نيس­تر­­لىگىنە اۋىسۋىنا بايلانىستى, سول سياقتى مەملەكەتتىك ءتىلدى دا­مىتۋ جونىنەن وكىلەتتىكتەر بەرى­لۋى­نە بايلانىستى بىرقاتار تاپسىر­مالار بەردى. اقپاراتتاندىرۋ جانە بايلا­نىس اگەنتتىگى بازاسىندا قۇرىلعان باي­لانىس جانە اقپارات مينيستر­لى­گىنىڭ جاڭا باسشىسى اسقار جۇ­ما­عاليەۆتى تانىستىرا وتىرىپ, پرە­مەر-مي­نيستر اقپاراتتار, اق­پاراتتاندىرۋ سالالارىنداعى رەت­تەۋ­لەرگە, جاڭا اقپاراتتىق تەحنو­لو­گيالاردى, سونداي-اق ساندىق جانە سپۋتنيكتىك حابار تاراتۋدى ەنگىزۋگە قاتىستى  ناقتى مىندەتتەر جۇكتەدى.